Ál-Farabi atyndaǵy QazUÝ-da «Eń úzdik stýdenttik top – 2019» baiqaýynyń aqtyq saiysy máresine jetti. Grand finaldyq innovatsiialyq jobalardy qorǵaý kezeńinde ár top Elbasymyzdyń «Rýhani jańǵyrý» baǵdarlamasy jáne «2019 jyl – Jastar jylynyń» aiasynda jobalaryn usyndy. 2012 jyldan beri bastaý alǵan joba stýdentterdiń belsendi azamattyq ustanymyn qalyptastyrý, úzdik stýdentter tobyn shyǵarý jáne yntalandandyrý maqsatynda júrgizilip keledi.
Osy jyly 6 fakýltetten eń úzdik 6 top grand finaldyq kezeńge qatysty. Úsh aiǵa sozylǵan doda stýdentterdiń ýaqyttaryn qyzyqty ári paidaly iske jumsaýyna septigin tigizdi. Stýdentterdiń jalpy oqý úlgerimi, ǵylymi, mádeni jáne qoǵamdyq sharalardaǵy belsendiligi, ózin-ózi basqarýdaǵy uiymdastyrýshylyq qabiletteri synalatyn doda bul jyly da dástúrli túrde «Suńqar» stýdentter men magistranttar kásipodaǵynyń uiymdastyrýymen joǵary deńgeide ótkizildi. Konkýrstyń tórt deńgeiinde: stýdenttik toptar tanystyryldy, «Talaiǵa arman bolǵan, talaidy qanat qaqtyrǵan QazUÝ» ataýyndaǵy beinerolikterimen synaldy jáne toptar intellektýaldyq qabilettilikterin kórsetti, innovatsiialyq jobalaryn qorǵady. Sonymen qatar, «Ainalańdy nurlandyr» jáne «Alma-Qala» aktsiialary tóńireginde QazUÝ qalashyǵynda kóshetter otyrǵyzýǵa atsalysty. Aqtyq synda Fizika-tehnikalyq fakýlteti – «Face kamera», Aqparattyq tehnologiialar fakýlteti – «Smart jataqhana», Shyǵystaný fakýlteti – «Equality» zaǵip jandarǵa til úiretý kýrsy, Himiia jáne himiialyq tehnologiia fakýlteti – «Tabiǵi gaz metannan katalitikalyq jolmen taza sýtegini alý», Biologiia jáne biotehnologiia fakýlteti – «Biogýmýs», Jýrnalistika fakýlteti – «Diploma project» syndy jobalar usyndy.
Dástúrge ainalǵan «Eń úzdik stýdenttik top – 2019» jobasynyń nátijesinde júldeli úshinshi oryn alǵan Fizika-tehnikalyq fakýlteti, «Jylý energetikasy - 227» toby Sharyn shatqalyna joldama alsa, ekinshi oryndy ielengen Shyǵystaný fakýltetiniń «Shetel filologiiasy: korei tili» mamandyǵynyń stýdentterine «Ystyqkól» sporttyq-saýyqtyrý ortalyǵyna joldama buiyrdy. Birinshi orynǵa ie bolǵan Himiia jáne himiialyq tehnologiia fakýltetiniń «Himiia-201» toby ál-Farabi atyndaǵy QazUÝ-dyń úzdik toby atanyp, Nur-Sultan qalasyna joldama aldy. Sonymen qatar, «Eń úzdik stýdenttik top» jobasynyń «Eń úzdik stýdent» nominatsiiasyna ie bolǵan Biologiia jáne biotehnologiia fakýlteti, «Biotehnologiia-17» tobynyń stýdenti Embergenov Nýratdin «Suńqar» stýdentter men magistranttar kásipodaǵynyń «85 jyldyqqa 85 qaiyrymdy is» jobasy boiynsha «Úmmet jastary» qoǵamdyq-qaiyrymdylyq qorynyń demeýshiligimen noýtbýkke ie bolsa, «Eń úzdik starosta» nominatsiiasyna ie bolǵan Jýrnalistika fakýlteti, «PR-101» tobynyń stýdenti Gúlbaný Erǵazyqyzy Dýbai qalasyna joldama aldy.
Qazaq Ulttyq Ýniversiteti rektory Ǵalym Mutanulynyń qoldaýymen ótken jobanyń finaldyq kezeńi Almaty qalasy belsendi jastary men QazUÝ oqytýshy-professorlar quramynyń kózqarasy boiynsha joǵary deńgeide ótkendigin dáleldei tústi. Jarqyn joba aldaǵy aǵymda stýdent jastardyń tyń ideialary nátijesinde jandana túspek.
Nursáýle Idaiat,
QazUÝ, Biologiia jáne biotehnologiia fakýltetiniń 3 kýrs stýdenti
