QR Memlekettik qyzmet isteri agenttiginiń tóraǵasy Anar Jailǵanova Feisbýktegi paraqshasynda memlekettik qyzmetshilerdi kásibi merekesimen quttyqtady. Sondai-aq, ol elimizdegi eń úzdik memlekettik qyzmetshilerdi atady. "Ult aqparat" quttyqtaý mátinin oqyrman nazaryna usynady.
***
Qurmetti memlekettik qyzmetshiler!
2013 jyly Qazaqstan Respýblikasynyń Tuńǵysh Prezidenti – Elbasy Nursultan Ábishuly Nazarbaev 23 maýsym – Memlekettik qyzmetshi kúnin bekitken bolatyn.
Osy ýaqyttan bastap, jyl saiyn biz kásibi merekemizdi atap ótemiz, bul izgi dástúrge ainaldy. Memlekettik qyzmetshiler kúni qarsańynda Agenttik erekshe kózge túsken memlekettik qyzmetkerlerdi marapattaidy.
Memlekettik qyzmetti damytýǵa qosqan eleýli úlesi, asa mańyzdy jáne kúrdeli tapsyrmalardy tabysty oryndaǵany úshin aǵymdaǵy jyly 72 memlekettik qyzmetshi Agenttiktiń «Úzdik memlekettik qyzmetshi» vedomstvolyq nagradasymen marapattaldy.
Sondai-aq memlekettik apparat qyzmetkerleriniń áleýeti men básekege qabilettiligin damytý úshin úshinshi jyl qatarynan «Jyldyń úzdik memlekettik qyzmetshisi» konkýrsy ótkizilip keledi.
Osy jyly baiqaýǵa Qazaqstannyń ár óńirinen 761 memlekettik qyzmetshi qatysty. Onyń qorytyndysy boiynsha kelesi jeńimpazdar anyqtaldy:
Ernur Abjahan, Almaty q. qalalyq utqyrlyq basqarmasy basshysynyń orynbasary;
Almagúl Azamatova, ShQO Jarma aýdanynyń jumyspen qamtý jáne áleýmettik baǵdarlamalar bóliminiń bas mamany;
Baýyrjan Ahmetalin, Nur-sultan q. IIM TJK Tótenshe jaǵdailar departamentiniń ofitseri;
Berik Dosymbekov, Qaraǵandy q. Dene shynyqtyrý jáne sport bóliminiń bas mamany;
Almas Erkibaev, Aqmola oblysy boiynsha Sottar ákimshisiniń Atbasar aýdandyq soty keńsesiniń bas maman-sot otyrysynyń hatshysy;
Didar Ibraev, Pavlodar oblysy Aqtoǵai aýdany ákimi apparatynyń basshysy;
Arman Qabylov, Aqtóbe oblysy Qobda aýdandyq Ishki saiasat bóliminiń basshysy;
Ajar Qalieva, Almaty oblysy Qapshaǵai qalasy Bilim bóliminiń bas mamany;
Aqjibek Qapalbaeva, Shymkent qalasy boiynsha Sybailas jemqorlyqqa qarsy is-qimyl agenttiginiń departamentiniń Preventsiia basqarmasynyń bas mamany;
Aqtóre Talǵatuly, Túrkistan oblysy boiynsha Sybailas jemqorlyqqa qarsy is-qimyl agenttiginiń departamentiniń Preventsiia basqarmasynyń aǵa ofitseri.
Búginde memlekettik qyzmette 89 myń adam jumys isteidi, onyń 42 myńnan astamy óńirlerde eńbek etýde. Barlyq memlekettik qyzmetkerlerdiń jartysynan astamy (55,7%) – áielder.
Jyldan jylǵa jastardyń memlekettik qyzmetke degen qyzyǵýshylyǵy artyp keledi. Búginde elimizde 20 myńnan astam jas memlekettik qyzmetkerler bar, onyń ishinde 1500-den astamy túrli basshylyq laýazymdarda jumys isteidi.
Memleket basshysy Qasym-Jomart Kemeluly Toqaev jastardy memlekettik qyzmetke tartý máselelerine erekshe kóńil bólýde.
Ótken jyly Agenttik Memleket basshysynyń tapsyrmasy boiynsha iske asyrǵan aýqymdy jobalardyń biri Prezidenttik jastar kadr rezervin qalyptastyrý boldy.
Qazaqstanda alǵash ret ótkizilgen irikteý formaty elimizdiń barlyq óńirlerinen jáne odan tys jerlerdegi jas azamattardyń edáýir bóligin tartty. Jas, bilikti jáne jigerli basqarýshylar pýly quryldy.
Búgingi kúni 142 rezervshi memlekettik qyzmet jáne kvazimemlekettik sektorda jaýapty qyzmetterde jumys isteidi.
Qyzmetshilerdi daiarlaý, qaita daiarlaý jáne biliktiligin arttyrý júiesi qyzmetshilerdi kásibilendirýdiń ajyramas bóligi bolyp tabylady.
Jyl saiyn 24 myńǵa jýyq memlekettik qyzmetshi biliktiligin arttyrý men qaita daiarlaýdan ótedi.
Memlekettik qyzmetshilerdiń sapalyq quramy arttyryldy, meritokratiia jáne kadrlyq turaqtylyq qaǵidatyn saqtaý kórsetkishteri jaqsardy. Ótken jyldyń qorytyndysy boiynsha sheteldik bilimi bar memlekettik qyzmetshilerdiń úlesi 15% - ǵa ósti (2 790 adamdy quraidy).
Memlekettik qyzmettiń tartymdylyǵyn arttyrý kadrlardyń ketý deńgeiin shtat sanynan 6% -ǵa deiin tómendetýge múmkindik berdi.
Ótken jyly ishki konkýrstardyń nátijeleri boiynsha 7 myńnan astam memlekettik qyzmetshi mansaptyq turǵyda ilgeriledi, bul ishki konkýrstardyń qorytyndylary boiynsha taǵaiyndalǵandardyń jalpy sanynan
55% - dy quraidy.
Memlekettik qyzmetshiniń jumysy adamnan bilimdilikti, jan-jaqtylyqty, jaýapkershilik pen tózimdilikti qajet etedi. Halyqqa qyzmet etý – qurmetti mamandyq.
Sizderdiń árqaisylaryńyz eldi damytýǵa baǵyttalǵan memlekettik baǵdarlamalardy jáne aýqymdy reformalady júzege asyrýǵa eleýli úles qosýdasyzdar.
Qazirgi ýaqytta, Covid-19 pandemiiasynyń jaǵdaiynda, memlekettik qyzmetshilerge halyq ómiriniń barlyq salalarynyń úzdiksiz jumys isteýin qamtamasyz etý úshin úlken jaýapkershilik júkteldi. Osy qiyn kezeńde sizderdiń kúndelikti júieli jáne úilesimdi qyzmetterińizdiń arqasynda memlekettik apparattyń tolyqqandy jumys isteýi qamtamasyz etilýde.
Sizderdiń kúsh-jigerlerińiz aldaǵy ýaqytta da Qazaqstannyń memlekettiligin damytýǵa, demokratiiany, eldiń ekonomikalyq damýyn jáne halyqtyń ál-aýqatynyń ósýin qamtamasyz etýge baǵyttalatynyna senemin.
Sizderge eldiń igiligi jolynda atqaryp jatqan qyzmetterińiz úshin alǵys bildiremin!
Sizderge jáne otbasylaryńyzǵa myqty densaýlyq, baqyt jáne barlyq isterińizge sáttilik tileimin!
