Úiine qonaq shaqyrǵan Aqtóbe qalasynyń 30 jastaǵy turǵyny qamaýǵa alyndy, dep habarlaidy "Ult aqparat".
Tótenshe jaǵdai rejimi engizilgen kúnnen beri óńirde barlyǵy 853 quqyqbuzýshylyq tirkeldi. Ákimshilik quqyqbuzýshylyq týraly Kodekstiń «Tótenshe jaǵdai rejimin buzý» baby boiynsha 168 adam qamaldy. Sonymen birge 200-den astam adamǵa aiyppul salyndy. Beibereket kóshede júrgen 400 adamǵa eskertý berildi. Al «Tótenshe jaǵdaida quqyq tártibin buzýǵa itermeleitin is-áreketter» baby boiynsha 18 adam qamalǵan. Sotqa jiberilgen materialdar da bar. Politsiia blokposttardy ainalyp ótpek bolǵan adamdardy áli anyqtap jatyr. Barlyǵy óńirde 38 derek tirkelgen.
«Politsiia qyzmetkerleri «Qurmysh» shaǵynaýdanynda turatyn 30 jastaǵy er adamnyń karantin rejimine qaramastan óz úiinde qonaq qabyldaǵanyn anyqtady. Páter iesi men onyń 3 qonaǵyna QR ÁQBtK-niń 476-baby 6-tarmaǵy boiynsha ákimshilik hattama toltyryldy. Ákimshilik sot olardy 2 jáne 3 táýlikke ákimshilik qamaýǵa aldy», - dep habarlady oblystyq PD baspasóz qyzmetiniń jetekshisi Erbolat Sarqulov.
Aita keteiik, qala ishinde júrýge ruqsat qaǵazy joq 130-dan astam júrgizýshiniń kóligi aiyp turaǵyna qoiyldy. Qala turǵyndary el ishindegi shekteýlerbi qatań saqtaýǵa, úide otyrýǵa keńes beredi.
