Orta salmaqta IBF jáne IBO nusqalary boiynsha álem chempiony Gennadii Golovkin týǵan jerine bardy. Bul jaiynda dańqty boksshy Instagram-daǵy paraqshasynda jazdy, dep habarlaidy "Ult aqparat".
«Úiińe kelý qashan da baqyt», - dep jazdy áleýmettik jelide Gennadii Golovkin.
Buǵan deiin Qaraǵandy oblysynyń ákimi Jeńis Qasymbektiń Gennadii Golovkinmen kezdesip, GGG-diń balalyq shaǵy ótken «Maiqudyq» shaǵyn aýdanyndaǵy sport nysandaryn qalpyna keltirý máselesin talqylaǵanyn jazǵan edik.
«Gennadii Golovkinmen kezdesip, Niý-Iorktegi jeńisimen quttyqtaýǵa múmkindik týdy. Birge otyryp Qaraǵandy oblysynyń sport salasynyń damýyn talqyladyq. Gennadii erekshe jylylyqpen jáne qamqorlyqpen «Maiqudyqtyń» sport infraqurylymy týraly surady. Kelesi jyly ataqty «Liteishik» stadionyn qalpyna keltirýmen ainalysamyz jáne Magnitogorskaia kóshesin tolyq jóndeýden ótkizemiz dep ýáde berdim», - dep jazdy oblys ákimi Facebook paraqshasynda.
