Foto: QR Jazýshylar Odaǵy
12 sáýirde Qudys Qojamiiarov atyndaǵy respýblikalyq memlekettik akademiialyq uiǵyr mýzykalyq komediia teatrynda Qazaqstan halqy asambliiasynyń 30 jyldyǵy aiasynda uiǵyr ádebietiniń klassigi, memleket jáne qoǵam qairatkeri, Qazaqstannyń halyq jazýshysy Ziia Sámádidyń 110 jyldyǵyna orai ádebi-sazdy kesh ótti, dep habarlaidy Ult.kz.
Keshte teatrdyń drama akterleri, «Nava» jáne «Rýhsará» án-bi ansambilderi kásibi biik dárejede óner kórsetti. «Ǵárip pen Sánám» ǵashyqtyq dastany men «Maimhan» romanynyń jelisi negizinde qoiylym kórsetildi, Ziia Sámádidiń Qytai túrmesindegi, jaza lagerindegi azapty kúnderi men otanyn ańsaǵan sátin, sol kezeńdegi Shynjańdaǵy saiasi-áleýmettik jaǵdaidy da sheber sýrettedi.
Foto: QR Jazýshylar Odaǵy
Kesh sońynda Qazaqstan Jazýshylar odaǵy Basqarmasynyń Tóraǵasy Mereke Qulkenov eki halyqtyń shynaiy dostyǵynyń myzǵymaitynyn, tarihy men taǵdyry, ádebieti men mádenietiniń uqsastyǵy, Ziia Sámádidiń jazýshylyǵy men qairatkerlik qyry, onyń tek uiǵyr-qazaqqa ǵana tán tulǵa emes, búkil túrki jurtyna ortaq qalamger ekendigin basa aityp, jazýshynyń qyzy Bilqyz Sámádidyń iyǵyna kamzol jaýyp, gúl shoǵyn syilady.
Ziia Sámádi Uiǵyr ádebietiniń negizin qalaýshylardyń biri, Shynjań ólkesinde Mádeniet ministri bolyp, Shynjań Jazýshylar odaǵyn qurýǵa at salysqan. 1961 jyly tarihi otanyna oralyp, ómiriniń sońyna deiin ádebietke qymet etken qaisar jazýshy.
