kollaj: Tengrinews.kz
Almaty turǵyny Láilim Ábildaeva Qazaqstannyń quqyq qorǵaý organdaryna júgindi. Onyń kúieýi Timýr Kim qaladaǵy tártipsizdikterden keiin ustalǵan. Tengrinews.kz tilshisine bergen suhbatynda áiel oqiǵanyń mán-jaiyn aityp berdi.
Ábildaevanyń aitýynsha, 9 qańtarda keshki saǵat 19.00 shamasynda betperde kiip, qolyna avtomat ustaǵan onshaqty adam úige basyp kirip, úsh balanyń kózinshe kúieýin ura bastaǵan.
"8 jasar qyzym, 6 jasar ulymnyń kózinshe ura bastady. Men 3 ailyq qyzymdy tamaqtandyryp otyrǵanmyn. Balalar, sonyń ishinde mende de kúizelis boldy, bul umytylmaidy. Kúieýimdi belgisiz jaqqa alyp ketti. Bir kúnnen keiin qolyna kisen salyp, barlyq politsiia qyzmetkerimen páterdi tintýge keldi. Sol kezde Almaty PD ekenin bildik. Túni boiy uryp-soǵyp, mazaq etkenin aitty. Kiimi qan-qan, jyrtylǵan. Kiimin aýystyrýǵa ruqsat berdi. Olar tintýge kelgende, tergeýshiniń sózinen oǵan lańkesterge kómektesti degen aiyp taǵylǵanyn bildik. Ol aq tústi Mitsubishi Delica kóliginde qarý taratqan delinedi, tergeý barysynda úsh adam ony nusqap turǵany belgili boldy. Al bul qateden basqa eshteńe emes, qyzmetkerlerdiń aitýynsha, ol izdeýde júrgen basqa adamǵa uqsaidy", - dedi áieli.
Sondai-aq, Láilim Ábildaeva 5 qańtarda mitingiler kezinde kúieýi men aǵasy áskerilerge, politsiia qyzmetkerlerine jáne beibit turǵyndarǵa kómek kórsetý úshin saǵat 19:00 shamasynda Nissan Murano kóligimen alańǵa qarai barǵanyn túsindirdi. Birneshe kún buryn onyń aǵasy, burynǵy politsiia qyzmetkeri tártipsizdikter kezinde zardap shekken politseilerge kómektesken.
"5 qańtarda Sátbaev kóshesimen Respýblika alańyna qarai kele jatyp, olar qaýipsiz jerge toqtap, narazylyq bildirýshiler tobyn kórip, qorqyp, úilerine qaitýdy uiǵarǵan. Úige qaityp kele jatyp, "Almaty" baqylaý-ótkizý beketi janynan ótkende memlekettik nómiri joq belgisiz qara kólik olardy toqtatyp, ishinen 4-5 adam shyqqan. Olardy kólikten kúshtep shyǵaryp, kólikti tinte bastaǵan. Júksalǵyshty ashýǵa májbúrlegen, sodan keiin qarapaiym azamattar ekenine kóz jetkizip, olardy jibergen. Odan ári qorqyp, úilerine qaitqan. Jolda aǵamdy úiinde qaldyryp, keshki saǵat 21.00 shamasynda úige keldi. Sodan keiin ol eshqaida ketpedi", - dedi ol.
Almaty Politsiia departamenti er adam Qazaqstan Respýblikasy Qylmystyq kodeksiniń 255-baby 4-bóligi ("Terrorizm aktisi") boiynsha qylmys jasady degen kúdikke ilingenin túsindirdi. Ol ýaqytsha ustaý izoliatoryna qamalǵan. Tergeý soty sanktsiiasy bergen.
"Bul oqiǵalarǵa kúieýim men aǵam qatysty bolsa, nege basqalar siiaqty kólik nómirin sheshpedi. Ásirese kúieýim ustalǵan soń aǵam Almaty qalalyq Politsiia departamentine óz erkimen bardy, odan jaýap alyp, bostandyqqa jiberdi. Ol kúieýim kinásiz ekenine kýá. Bizdiń otaý qurǵan jyldary ol eshqashan agressiia kórsetpedi, onyń meiirimdi, janashyr, adal adam ekenin bári biledi. Quqyq qorǵaý organdaryna esh qarsylyǵym joq. Biraq kúieýimniń isin jan-jaqty jáne ádil tekserýdi suraimyn. Ol - otbasyndaǵy jalǵyz asyraýshy", - dedi Ábildaeva.
