Ókpesi qabynǵanymen aýrýhanaǵa jatpaǵan naýqastar dárini tegin alýy tiis. Bul týraly QR Densaýlyq saqtaý vitse-ministri Liýdmila Biýrabekova aitty, dep habarlaidy "Ult aqparat".
Onyń atap ótýinshe, qoldanystaǵy tizilimge sáikes, Qazaqstanda 18 jasqa deiingi balalar JRVI, tynys alý joldarynyń ótkir aýrýlary, aýrýhanadan tys ókpe qabynýy kezinde, al eresek adamdar aýrýhanadan tys ókpe qabynýy kezinde tegin ambýlatorlyq dári-dármekpen qamtamasyz etilýi tiis.
«Bul dári-dármekterdi ýchaskelik dáriger jazyp beredi jáne ol baqylaýshy organ qansha preparat, kimge jazylyp berilgenin kórip otyrýy úshin aqparattyq júie arqyly ótedi», - dedi vitse-ministr.
Liýdmila Biýrabekovanyń aitýynsha, búginde elimizdegi epidemiologiialyq ahýalǵa bailanysty barlyq óńirde mundai dári-dármekti ýchaskelik medbikelerdiń úige jetkizip berýi uiymdastyrylǵan.
«Bul preparattardy mobildi brigadalardyń da jetkizip berýi josparlanǵan. Dáriger tegin qamtamasyz etiletin mundai preparattardy jazyp bergenimen, patsient dárihanadan baryp alatyn jaittar bolyp jatsa, onda mundai faktilerdi bizge habarlaýdy ótinemiz. Shara qoldanatyn bolamyz», - dedi vitse-ministr.
