Foto: Depositphotos
Qazaqstanda takside áiel adamdarǵa jii ádepsiz ázilder men ishara, tanysý týraly usynystar aitylatynyn, sondai-aq júrgizýshiler tarapynan jaǵymsyz fizikalyq qarym-qatynas bolatyny belgili.
Jańa adamdardyń "TUMAR" azamattyq naýqan belsendileri elimizde mundai jaǵdai qanshalyqty jii bolatynyn bilgisi kelip, áleýmettik eksperiment júrgizgen eken. Bul týraly jazǵan nehabat telegram arnasynyń habarlaýynsha jaǵdai máz emes.
Jaǵdai kúrdeli
Birinshi kúni barlyq 7 saparda da orynsyz qyryndaý men beiádep áreketter boldy. Eksperimentiń ekinshi kúninde tórt sapardyń bireýi ǵana qalypty ótken. Qalǵan ekeýinde keiipkerge ádepsiz sózder aitylyp, ishara bildirgen. Al tórtinshi kúni eksperiment keiipkerin taksi júrgizýshisi esikti qulyptap, josparda joq baǵytta basqa jaqqa alyp ketken.
Sodan, "TUMAR" jobasynyń belsendileri óz kólikterimen taksidi toqtatýǵa tyrysqan, biraq júrgizýshi olardan qashyp ketpek bolǵan. Taksidiń sońynan biraz qýǵannan keiin, keiipkerdi alyp qashqan júrgizýshi kólikti toqtatýǵa májbúr bolǵan.
Taksidi 1995 jyly týǵan Erbolat Amanjoluly esimdi azamat basqarǵan. Bir qaraǵanda qarapaiym úlgili otbasyly adam bolyp kórinedi. Alaida, júrgizýshiniń jolaýshyǵa beiádep sózder aityp qana qoimai, sapar barysynda oǵan qol tigizýge tyrysqanyn kamera túsirip alǵan.
Kóliktiń sońynan qýǵan kezde mashinanyń memlekettik nomeri túsip qalǵan. Sol arqyly kólik iesiniń, iaǵni júrgizýshi Erbolat Amanjoluly ekenin anyqtaǵan.
Jańa adamdardyń belsendisine jasalǵan shabýyl faktisi boiynsha politsiiaǵa aryz jazylǵan eken. Shabýyldaýshy joǵalǵan avtomobil nómirin Vladimir Kokkinaki kóshesi, 7-úide ornalasqan Almaty qozǵalys kampýsynan ala alady.
"Eger, árine, oǵan batyly jetse..." -dep jazady telegram arna.
Bul eksperiment ne úshin jasaldy?
"TUMAR" qozǵalysynyń belsendisi Slemǵali Shákizada:
"Bastan ótkergen zorlyq-zombylyq pen qýdalaý týraly aitýdan qoryqpańyz. Osy beineniń astyndaǵy túsiniktemelerde óz oqiǵalaryńyzben bólisińiz. #Tumarsafetaxi heshtegimen áleýmettik jelidegi rolikterdi ornalastyryńyz jáne kimnen saq bolý kerektigin kórsetińiz. Olar jariialylyqtan qorqady. Iaǵni, búkil elge olardyń attary men mashinalarynyń nómirlerin kórsetý kerek. Búkil Qazaqstan olardyń qylmystary týraly bilsin!", -deidi belsendi.
