Parlament Májilisiniń jalpy otyrysynda QR Aqparat jáne kommýnikatsiialar ministri Dáýren Abaev shalǵai aýdandarda uialy bailanysty jaqsartýdyń tásili jaiynda túsindirdi, dep habarlaidy QazAqparat.
Onyń sózine qaraǵanda, tiisti túzetýler aqparat jáne kommýnikatsiialar máselesi boiynsha zańnamalyq aktilerde qarastyrylǵan. Atap aitqanda, qoldanystaǵy zańnama boiynsha uialy bailanys operatorlary tiisti infraqurylymdy salýǵa mindetti bolyp keldi. 500-600 adam turatyn eldi mekende infraqurylymdy turǵyzý qarjylyq jaǵynan tiimsiz.
«Sondyqtan da radiojiilik spektrin birlesip paidalaný múmkindigin berip otyrmyz. Osy arqyly uialy bailanys operatorlary úshin infraqurylymǵa 30 paiyzǵa deiingi shyǵyndy qysqartýdamyz. Bul óz kezeginde aýyldy jerlerde uialy bailanystyń sapasyn jaqsartýǵa múmkindik beretinine senimdimin. Osy oraida básekelestik, turǵyndar úshin sapaly bailanys pen arzan tarifti tańdaýǵa jol ashylady. Biz uialy bailanys operatorlaryna jeńildik jasap jatyrmyz. Bul rette biz sapany jaqsartý men tarifterdi tómendetýdi talap ete alamyz», - dep túsindirdi vedomstvo basshysy.
Májilis depýtattary «Qazaqstan Respýblikasynyń keibir zańnamalyq aktilerine aqparat jáne kommýnikatsiialar máseleleri boiynsha ózgerister men tolyqtyrýlar engizý týraly» zań jobasyn birinshi oqylymda maquldady.
