پارلامەنت مەجٸلٸسٸنٸڭ جالپى وتىرىسىندا قر اقپارات جەنە كوممۋنيكاتسييالار مينيسترٸ دەۋرەن اباەۆ شالعاي اۋدانداردا ۇيالى بايلانىستى جاقسارتۋدىڭ تەسٸلٸ جايىندا تٷسٸندٸردٸ, دەپ حابارلايدى قازاقپارات.
ونىڭ سٶزٸنە قاراعاندا, تيٸستٸ تٷزەتۋلەر اقپارات جەنە كوممۋنيكاتسييالار مەسەلەسٸ بويىنشا زاڭنامالىق اكتٸلەردە قاراستىرىلعان. اتاپ ايتقاندا, قولدانىستاعى زاڭناما بويىنشا ۇيالى بايلانىس وپەراتورلارى تيٸستٸ ينفراقۇرىلىمدى سالۋعا مٸندەتتٸ بولىپ كەلدٸ. 500-600 ادام تۇراتىن ەلدٸ مەكەندە ينفراقۇرىلىمدى تۇرعىزۋ قارجىلىق جاعىنان تيٸمسٸز.
«سوندىقتان دا راديوجيٸلٸك سپەكترٸن بٸرلەسٸپ پايدالانۋ مٷمكٸندٸگٸن بەرٸپ وتىرمىز. وسى ارقىلى ۇيالى بايلانىس وپەراتورلارى ٷشٸن ينفراقۇرىلىمعا 30 پايىزعا دەيٸنگٸ شىعىندى قىسقارتۋدامىز. بۇل ٶز كەزەگٸندە اۋىلدى جەرلەردە ۇيالى بايلانىستىڭ ساپاسىن جاقسارتۋعا مٷمكٸندٸك بەرەتٸنٸنە سەنٸمدٸمٸن. وسى ورايدا بەسەكەلەستٸك, تۇرعىندار ٷشٸن ساپالى بايلانىس پەن ارزان تاريفتٸ تاڭداۋعا جول اشىلادى. بٸز ۇيالى بايلانىس وپەراتورلارىنا جەڭٸلدٸك جاساپ جاتىرمىز. بۇل رەتتە بٸز ساپانى جاقسارتۋ مەن تاريفتەردٸ تٶمەندەتۋدٸ تالاپ ەتە الامىز», - دەپ تٷسٸندٸردٸ ۆەدومستۆو باسشىسى.
مەجٸلٸس دەپۋتاتتارى «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە اقپارات جەنە كوممۋنيكاتسييالار مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسىن بٸرٸنشٸ وقىلىمدا ماقۇلدادى.
