Sýret ashyq derekkózden alyndy
Óskemen qalasynda úi almaq bolǵan er adam alaiaqqa 7 mln teńgesin berip qoiǵan, dep habarlaidy QazAqparat agenttigi.
ShQO politsiia departamenti baspasóz qyzmetiniń málimetine súiensek, politsiiaǵa 34 jastaǵy qala turǵyny júgingen. Onyń aitýynsha, beitanys áiel páterdi tez ári arzan baǵada satyp alýǵa kómektesýge ýáde bergen. Óz qyzmeti úshin jábirlenýshiden 7 mln teńge alǵan.
Alaida arada birshama ýaqyt ótkende áiel múlde habar-osharsyz ketken. Sol kezde er adam alaiaqqa aldanyp qalǵanyn túsingen.
Jedel izdestirý is-sharalaryn júrgizý kezinde politsiia qyzmetkerleri 57 jastaǵy kúdiktini anyqtady. Ol óz kinásin tolyqtai moiyndaǵan.
«Búgingi kúni áieldiń uqsas qylmystar jasaǵany úshin túzetý mekemesinde ekendigi anyqtaldy. Onyń taǵy eki alaiaqtyq faktisine qatysy bar bolyp shyqty. Ol týraly turǵyn úi satyp alamyn dep aqshasynan aiyrylǵan óskemendikter habarlady. Barlyq fakti boiynsha QR QK-niń 190-baby 3-bóligimen sotqa deiingi tergeý júrgizilýde», - delingen aqparatta.
