سۋرەت اشىق دەرەككٶزدەن الىندى
ٶسكەمەن قالاسىندا ٷي الماق بولعان ەر ادام الاياققا 7 ملن تەڭگەسٸن بەرٸپ قويعان, دەپ حابارلايدى قازاقپارات اگەنتتٸگٸ.
شقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, پوليتسيياعا 34 جاستاعى قالا تۇرعىنى جٷگٸنگەن. ونىڭ ايتۋىنشا, بەيتانىس ەيەل پەتەردٸ تەز ەرٸ ارزان باعادا ساتىپ الۋعا كٶمەكتەسۋگە ۋەدە بەرگەن. ٶز قىزمەتٸ ٷشٸن جەبٸرلەنۋشٸدەن 7 ملن تەڭگە العان.
الايدا ارادا بٸرشاما ۋاقىت ٶتكەندە ەيەل مٷلدە حابار-وشارسىز كەتكەن. سول كەزدە ەر ادام الاياققا الدانىپ قالعانىن تٷسٸنگەن.
جەدەل ٸزدەستٸرۋ ٸس-شارالارىن جٷرگٸزۋ كەزٸندە پوليتسييا قىزمەتكەرلەرٸ 57 جاستاعى كٷدٸكتٸنٸ انىقتادى. ول ٶز كٸنەسٸن تولىقتاي مويىنداعان.
«بٷگٸنگٸ كٷنٸ ەيەلدٸڭ ۇقساس قىلمىستار جاساعانى ٷشٸن تٷزەتۋ مەكەمەسٸندە ەكەندٸگٸ انىقتالدى. ونىڭ تاعى ەكٸ الاياقتىق فاكتٸسٸنە قاتىسى بار بولىپ شىقتى. ول تۋرالى تۇرعىن ٷي ساتىپ الامىن دەپ اقشاسىنان ايىرىلعان ٶسكەمەندٸكتەر حابارلادى. بارلىق فاكتٸ بويىنشا قر قك-نٸڭ 190-بابى 3-بٶلٸگٸمەن سوتقا دەيٸنگٸ تەرگەۋ جٷرگٸزٸلۋدە», - دەلٸنگەن اقپاراتتا.
