Ekologiia, geologiia jáne tabiǵi resýrstar ministri Serikqali Brekeshev ýtilizatsiialyq alymnan túsetin qarjynyń jalpy kólemin jariialady, dep habarlaidy Sputnik Qazaqstan.
"Jalpy, ýtilizatsiialyq alymnan túsetin qarjydan, shamamen, 12 milliard teńge qatty turmystyq qaldyqtardy jinaýǵa, tasymaldaýǵa jáne óńdeýge jumsalady. Sosyn kólik quraldary men aýyl sharýashylyǵy tehnikasyn ýtilizatsiialaýǵa týra sondai soma ketedi", - dedi Brekeshev jýrnalisterge bergen suhbatynda.
Ministrdiń aitýynsha, biyl ýtilizatsiialyq tólemderdiń esebinen 690-700 milliard teńge jinalady degen boljam bar. Osy oraida jýrnalister nege 700 milliard teńgeniń 24 milliardy ǵana óńdeýge jumsalatynyn surady.
Ministrdiń sózine qaraǵanda, odan bólek basqa da shyǵyndar bar.
"Jeńildik sertifikattary (eski kólik tapsyratyn alamdarǵa beriletin aqshalai sertifikattar - Sputnik) bar. Basqa da shyǵyndar bar", - dep atap kórsetti Brekeshev.
Tilshiler ministrge metall óńdeýshilerdiń usynysyn da jetkizdi. Olar eski kólikterdi tegin joiýǵa daiyn.
"Shynymen de, ondai usynystar bolsa, biz talqylaýǵa daiynbyz. Jalpy, qazir tergeý sharalarynyń júrip jatqanyn bilesizder. Biz "Jasyl damý " AQ-synyń Operator ROP-tan qalǵan barlyq investitsiialyq saiasatyn qaita qarastyrýdy josparlaǵanbyz. Sondyqtan naqty usynystardy qaraýǵa ázirbiz", - deidi Brekeshev.
