Foto:elements.envato.com
Májilis depýtattary Abzal Quspan men Ermurat Bápi shetelden ákelingen kólikterge tólenetin ýtilizatsiia alymyna qatysty pikirin aitty, dep habarlaidy BAQ.KZ tilshisi.
Áldebir múddelerdiń qaqtyǵysynan qoǵam men atqarýshy biliktiń arasynda eregis týyp otyr. Menińshe, dál osyndai ýtil alymdy, alǵashqy salyqty alýdyń túrli jol bar. Tipti birqatar elder de mundai salyq joq ta. Ózi qymbatshylyqtan áreń kún kórip júrgen halyqqa salyq salý - sanaǵa syimaityn nárse. Atqarýshy biliktiń ýáji bar. Olar eger osyndai salyq salmasaq, elimizde-90-shy jyldardaǵy sheteldiń eski kólikteriniń qaldyǵy qaptap ketýi múmkin deidi. Biraq ony da retteýdiń joly bar ǵoi? Bárine bir kózqaraspen qaraýǵa bolmaidy. Odan góri kóliktiń jylyna bailanysty salyqty kóbeite bersin deimin. Máselen, eski kóliktiń salyǵyn kóp qylyp, jańany az qylsyn. Bul atqarýshy bilik pen qoǵam arasyndaǵy teketires qoǵamnyń múddesine sheshiledi dep oilaimyn, - dedi Ermurat Bápi.
Májilis depýtat Abzal Quspannyń aitýynsha, aýyl sharýashylyǵy tehnikalaryna jáne júk kólikterine qatysty ýtila lymdy tolyq alyp tastaý qajet.
Óitkeni budan aýyl sharýashylyǵyna úlken ziian keledi. Al jeńil kólikke keler bolsaq, óz basym jergilikti avtoónerkásiptiń jaǵdaiyn bilgim keledi. Oǵan bailanysty biraz málimetter suratyp jatyrmyn. Osy kezge deiin kópke bergen aqparattary naqty emes. Avtoónerkásipte Made in kz dep tek syrtyna belgi japsyryp qoiamyz, alǵan qalǵan bólikteri Ózbekstannan ne Qytaidan kelgen bolyp shyǵyp jatyr, - dedi depýtat.
Ol depýtattardyń kóbi jeńil kólikke salynatyn ýtila lymǵa qarsy ekenin aitady.
Depýtattardyń basym kópshiligi ýtil alymǵa qarsy shyǵyp otyr. Óitkeni naqty nátije joq. Esterińizde bolsa, osydan 3 apta buryn Parlamentte jaýapty vedomstvo basshysyn da suraqtyń astyna aldyq. Sol kezde ol da naqty jaýap bere almady, - dedi Quspan.
Abzal Quspan úkimet qoǵam belsendisi Sanjar Boqaevtyń derekterin joqqa shyǵara almai otyrǵanyn atap ótti.
Nege ekeni túsiniksiz, bul jerde múldem ashyqtyq joq. Eń qyzyǵy, ýtil alymnan 2016 jyldan bastap jinalǵan qarjynyń qaida ketkeni jóninde aqparatty bermei otyr. Bul aqparatty Sanjardan bólek, depýtattardyń ózi ala almai otyrǵan jaiy bar. Meni tańǵaldyrǵan dúnie, Joǵarǵy sot sheshimi boldy. Onda azamattar óziniń qaltasynan shyǵarǵan aqshany qaida ketip jatqanyn bilýge tolyq quqyly ekeni aityldy. Demek bul is aldaǵy ýaqytta keshendi túrde qaralady degen sóz. Ókinishke qarai qazirgi berip otyrǵan jaýaptary kóńil kónshitpeidi, - dedi májilismen.
