Búgin Premer-Ministr Baqytjan Saǵyntaevtyń tóraǵalyǵymen ótken QR Úkimeti otyrysynda memlekettik qyzmet kórsetý jáne elektrondy úkimetti damytý máseleleri qaraldy, dep habarlaidy "Ult aqparat".
Atalǵan baǵyttaǵy júrgizilip jatqan jumys týraly aqparat jáne kommýnikatsiialar ministri Dáýren Abaev baiandady.
Aqparat jáne kommýnikatsiialar ministrligi «Paper Free» formaty boiynsha ózara is-qimyl múmkindigin — qaǵaz túrindegi qujat ainalymyn joiý, «bir ótinim» qaǵidasyna kóshýdi qarastyrady.
Bastapqy esepteýler boiynsha, atalǵan sharalardy iske asyrý taiaý ýaqytta 20 mln astam anyqtamany tolyǵymen joiýǵa múmkindik beredi.
«Qazirgi ýaqytta 746 memlekettik qyzmet kórsetýdiń «Azamattarǵa arnalǵan úkimetke» 621 qyzmet kórsetý berildi, bul 83% astamyn quraidy. Atalǵan qyzmetterdi 349 front-ofister kórsetedi, onda jyl saiyn shamamen 37 mln qyzmetti usyna otyryp, 20 myńnan astam qyzmetker jumys jasaidy», — dedi aqparat jáne kommýnikatsiialar ministri.
Budan ózge, «Azamattarǵa arnalǵan úkimet» memlekettik korporatsiiasynyń senimdi basqarýyna keibir aqparattyq júielerdi berý máselesi pysyqtalýda, olardyń ishinde eGov elektrondy úkimeti portaly, mGov mobildi qosymshasy, HQKO YAJ, «Jyljymaityn múlik tizilimi» MMB jáne «Memlekettik jer kadastry» AAJ bar.
Aqparat jáne kommýnikatsiialar ministrligi tarapynan halyqqa qyzmet kórsetý ortalyqtaryna arnalǵan Yqpaldastyrylǵan aqparattyq júie — HQKO YAJ senimdi basqarýyna berildi.
Dáýren Abaev atalǵan jumys óz-ózine qyzmet kórsetý múmkindigin keńeitýmen, tek elektrondy formatta josparlaýdy jáne odan ári memlekettik qyzmet kórsetýdi qarastyratyn «Digital by default» qaǵidasyn iske asyrýdy kózdeitinin túsindirdi.
Atalǵan másele boiynsha sondai-aq ulttyq ekonomika ministri Timýr Súleimenov baiandady.
«Qazirgi ýaqytta Memlekettik qyzmet kórsetý tizilimine odan ári qosý úshin «jasyryn» qyzmet kórsetýlerdi (eskert. Memlekettik qyzmet kórsetý tizilimine qosylmaǵan, «memlekettik qyzmet kórsetý» anyqtamasyna sáikes keletin jekelegen memlekettik organdardyń fýktsiialary) anyqtaý boiynsha jumys júrgizildi», — dep habarlady Timýr Súleimenov.
Ulttyq ekonomika ministri aitqan málimetterge sáikes atalǵan jumys aiasynda Tizilimge 58 jańa memlekettik qyzmet kórsetý qosyldy. Qazirgi ýaqytta memlekettik organdardyń taǵy 200 fýnktsiiasyn taldaý aiaqtaldy, onyń qorytyndysy boiynsha Tizilimge 50 jańa memlekettik qyzmet kórsetý engiziledi.
Búgingi tańda Tizilimdegi memlekettik qyzmetterdiń jalpy sany 746 memlekettik qyzmet kórsetýdi quraidy, olardyń 452 memlekettik qyzmet kórsetýin elektrondy formatta alýǵa bolady, 621 memlekettik qyzmet «Azamattarǵa arnalǵan úkimet» Memlekettik korporatsiiasy arqyly, jergilikti atqarýshy organdar arqyly — 191 memlekettik qyzmet kórsetiledi. Sondai-aq, ruqsat berý júiesin jeńildetý maqsatynda onlain rejimde barlyq ruqsattar alý men habarlamalardy joldaý tolyq avtomattandyrylǵan.
Budan ózge, atalǵan másele boiynsha otyrys barysynda «Azamattarǵa arnalǵan úkimet» Memlekettik korporatsiiasy basqarma tóraǵasy Abylaihan Ospanov baiandady.
Máseleni qaraýdy qorytyndylai kele, Premer-Ministr Baqytjan Saǵyntaev birqatar naqty tapsyrmalar berdi. Aqparat jáne kommýnikatsiialar ministrligine, «Azamattarǵa arnalǵan úkimet» Memlekettik korporatsiiasyna jumystyń tsifrlyq formatyna kóshý aiasynda usynylatyn qyzmetterdiń sapasyna erekshe nazar aýdarý tapsyryldy.
«Memlekettik qyzmet kórsetýlerdiń 85% «Azamattarǵa arnalǵan úkimet» Memlekettik korporatsiiasyna berildi – biz joǵary mejege jettik. Biraq, eger muqiiat qaraityn bolsaq – qyzmet kórsetýlerdiń sapasy boiynsha biraz jumys júrgizý qajet. Másele qansha qyzmet kórsetetinimzde emes, qalai kórsetetinimizde. Halyq sapasyz qyzmet alǵanyn sezgen kezde bári bir qaǵaz túrindegi anyqtama alýǵa barady. Munda memlekettik organdar óz tásilderin ózgertýi tiis», — dedi Baqytjan Saǵyntaev.
Aqparat jáne kommýnikatsiialar ministrligine múddeli memlekettik organdarmen birge qosymsha memlekettik qyzmet kórsetýlerdi balamasyz qyzmet kórsetýge kóshirý boiynsha Jumys josparyn pysyqtaý qajet.
Premer-Ministr azamattardyń jeke málimetterin qorǵaý máselesine erekshe nazar aýdardy.
«Memlekettik korporatsiianyń laýazymdy tulǵalary men qyzmetkerleriniń jaýapkershiligin kúsheitý qajet», — dep atap ótti Baqytjan Saǵyntaev.
Ulttyq ekonomika ministrligine bir aidyń ishinde «jasyryn» qyzmet kórsetýler, jaýapty laýazymdy tulǵalardy anyqtaý boiynsha Jol kartasyn ázirleý tapsyryldy.
