Qazaqstandyq ústel tennisshileri Almatydaǵy WTT Contender Almaty 2026 týrnirinde sátti óner kórsetip jatyr. Irikteý kezeńiniń qorytyndysy boiynsha Yrysbek Artyqmetov, Sanjar Jubanov jáne Eskendir Harki negizgi kezeńge joldama aldy. Jalpy, basty kezeńde Qazaqstannyń 10 sportshysy baq synaidy, dep habarlaidy ult.kz.
Yrysbek Artyqmetov irikteý kezeńindegi sheshýshi kezdesýde Eýropa chempiony, Reseidiń bes dúrkin chempiony ári 19 jasqa deiingi jasóspirimder arasynda álem chempiony Maksim Grebnevti 3:2 esebimen jeńdi.
Sanjar Jubanov ta tartysty kezdesýde jeńiske jetti. Ol frantsýz sportshysy Remi Betelýge qarsy matchta alǵashqy eki partiiada utylyp qalǵanymen, oiyn tizginin óz qolyna alyp, qatarynan úsh partiiada basym tústi. Nátijesinde qazaqstandyq sportshy 3:2 esebimen kambek jasap, negizgi kezeńge ótti.
Al Eskendir Harki irikteý kezeńinen senimdi ótti. Sheshýshi kezdesýlerde ol aldymen Saǵantai Qurmanbaevty 3:1 esebimen jeńse, keiin Baqdáýlet Ákimáliden 3:0 esebimen basym tústi.
Osylaisha, Yrysbek Artyqmetov, Sanjar Jubanov jáne Eskendir Harki WTT Contender Almaty 2026 týrniriniń negizgi kezeńinde óner kórsetedi. Jalpy, jarystyń negizgi kezeńine Qazaqstannan 10 sportshy joldama aldy.
Almatydaǵy halyqaralyq týrnir 1-6 qyrkúiek aralyǵynda ADD Ústel tennisi ortalyǵynda ótýde. Jarysty tamashalaý tegin.
