Abai atynda ortalyq ashý, kino túsirý, «Abai» jýrnalyna qoldaý bildirý – aqynnyń bolmys qupiiasy jáne tereńimen qaýyshtyrý. Qazaqstan Prezidentiniń «Abai jáne HHI ǵasyrdaǵy Qazaqstan» atty maqalasy týraly Balqash qalasyndaǵy №16 mekteptiń qazaq tili men ádebiet pániniń muǵalimi Saiagúl Syzdyqova osyndai pikir bildirdi, dep habarlaidy QazAqparat.
«Qazaqstan Prezidenti Qasym-Jomart Toqaevtyń «Abai jáne HHI ǵasyrdaǵy Qazaqstan» atty maqalasy ustazdar qaýymyn bei-jai qaldyrǵan joq. Óitkeni, Abai qazaq ádebietindegi qaitalanbas zor tulǵa, aqyn, filosof, aǵartýshy. Aqyn tarihymyz ben ádebietimizde asa kórnekti oryn alady. Onyń shyǵarmalary qazaqtyń ulttyq jazba ádebietiniń negizin qalady. Aqynnyń mol ádebi murasy tek bir halyqtyń ǵana emes, búkil adamzattyń rýhani qazynasy bolyp sanalady», deidi Saiagúl Syzdyqova.
Onyń aitýynsha, el Prezidentiniń Abaiǵa erekshe nazar aýdarǵanynda úlken mán bar.
«Abai dese qazaq, qazaq dese Abai eske túsetin úlken uǵym qalyptasqan. Abai atynda ortalyq ashý, kino túsirý, «Abai» jýrnalyna qoldaý bildirý aqynnyń – myńjyldyqtardy qushaǵyna syiǵyzǵan, zamanalar syryn tolǵaǵan, adam bolmysynyń qupiiasy men tuńǵiyq tereńimen qaýyshtyrý dep bilemiz. Rýhani jetilýdiń joldaryn kósemdikpen kórsetken keleshektiń kemel jaratylǵan Uly dalanyń óren tulǵasy ár qazaq balasyna altyn qazyq ekendigi sózsiz. Hakimniń qaǵidaty, ustanymy – memleket órkendeýi men qoǵamdy izgilendirýdiń, eldi sáýlelendirýdiń kepili. Sondyqtan, Qazaqstan Prezidenti Qasym-Jomart Toqaevtyń «Abai jáne HHI ǵasyrdaǵy Qazaqstan» atty maqalasy ulttyq mádenietimizdiń máiegimen sýsyndaýǵa yqpal etedi», deidi Saiagúl Syzdyqova.
Onyń paiymynsha, Abaidyń dástúri, mektebi – Uly dala rýhaniiatynyń jańaryp-jańǵyrýyna, jas urpaqtyń oi-sanasynyń jetilýine jol ashady.
