Foto depýtattyń Instagram paraqshasynan alyndy
Májilis depýtaty Rinat Zaiytov jýyrda suhbat berip, «Qazaqstandaǵy alaiaqtyqtyń 80 paiyzyn jasaityn qaýym – namaz oqityndar» degen málimdeme jasady.
Alaida depýtat qoǵamda daý týǵyzǵan sol málimdemesinen keiin de pikiri ózgermegenin aitty, dep habarlaidy Halyq Uni saity.
Májilis kýlýarynda jýrnalister Rinat Zaiytovtan «Áleýmettik jelide qyzý talqyǵa túsken pikirińizdi ózgertken joqsyz ba? Óz ustanymyńyzda qalasyz ba?» dep surady.
"Bul týraly áleýmettik jelide de jazdym. Óz ustanymymnan taiatyn bolsam, sizder birinshi estisizder", - dedi ol.
Sondai-aq depýtat daýly málimdemesinen keiin Májiliste onyń tártibi sóz bolǵanyn aitty.
"Iá, shaǵymdar, aryzdar boldy. Distsiplinarlyq top ta quryldy. Naqty shaǵymǵa ózim jaýap berdim. Qalypty jaǵdai ǵoi", - dedi Zaiytov.
