Taldyqorǵanda joǵalyp ketken 7 jastaǵy balanyń denesi Qaratal ózeninen tabyldy. Bul týraly Jetisý Oblysynyń Politsiia Departamenti málimdedi, dep habarlaidy Ult.kz.
26 mamyr kúni tańǵy saǵat 05:00 shamasynda Qaratal ózeninde júrgizilgen aýqymdy izdestirý jumystary barysynda buryn habar-osharsyz ketken kámeletke tolmaǵan balanyń máiiti tabylǵan.
Aldyn ala málimetterge sáikes, balanyń denesinen zorlyq-zombylyq belgileri anyqtalmaǵan. Qazirgi ýaqytta politsiia qyzmetkerleri oqiǵanyń barlyq mán-jaiyn anyqtaý maqsatynda tekserý jumystaryn júrgizip jatyr.
Qaiǵyly jaǵdaiǵa bailanysty marqum balanyń týǵan-týystary men jaqyndaryna kóńil aitamyz.
Quzyrly organdar ata-analardy balalardyń qaýipsizdigine erekshe nazar aýdarýǵa shaqyrdy. Sondai-aq kámeletke tolmaǵandardy qaraýsyz qaldyrmaý qajettigin eskertti. Mamandardyń aitýynsha, eresekterdiń qyraǵylyǵy men jaýapkershiligi mundai qaiǵyly oqiǵalardyń aldyn alýǵa kómektesedi.
