Qazaqstan Prezidentiniń baspasóz hatshysy Rýslan Jeldibai Qasym-Jomart Toqaev pen Vladimir Pýtin Máskeýde "úshtik gaz odaǵyn" qurý máselesin talqylaǵanyn aitty, - dep habarlaidy "Ult aqparat".
"Memleket basshysynyń Máskeýge jasaǵan saparyna qatysty buqaralyq aqparat quraldarynan suraqtar kelip túsip jatyr.
Osyǵan bailanysty Kremlde ótken Qazaqstan men Resei prezidentteriniń kelissózi barysynda Qazaqstan men Ózbekstan territoriiasy arqyly Resei gazyn tasymaldaý jumystaryn úilestirý maqsatynda quramyna Resei, Qazaqstan, Ózbekstan kiretin "úshtik gaz odaǵyn" qurý máselesi qarastyrylǵanyn atap ótken jón.
Qasym-Jomart Toqaev pen Vladimir Pýtin barlyq taraptyń múddelerin eskere otyryp, osy máseleniń utymdy sheshimin tabý úshin úsh el sarapshylarynyń qatysýymen egjei-tegjeili kelissóz júrgizý qajet dep sanaidy", - dep jazdy Jeldibai Facebook-paraqshasynda.
Eske salaiyq, 28 qarashada Toqaev Máskeýge resmi saparmen bardy. Bul Qazaqstan Prezidentiniń ulyqtaý rásiminen keiingi alǵashqy sapary boldy.
