قازاقستان پرەزيدەنتٸنٸڭ باسپاسٶز حاتشىسى رۋسلان جەلدٸباي قاسىم-جومارت توقاەۆ پەن ۆلاديمير پۋتين مەسكەۋدە "ٷشتٸك گاز وداعىن" قۇرۋ مەسەلەسٸن تالقىلاعانىن ايتتى, - دەپ حابارلايدى "ۇلت اقپارات".
"مەملەكەت باسشىسىنىڭ مەسكەۋگە جاساعان ساپارىنا قاتىستى بۇقارالىق اقپارات قۇرالدارىنان سۇراقتار كەلٸپ تٷسٸپ جاتىر.
وسىعان بايلانىستى كرەملدە ٶتكەن قازاقستان مەن رەسەي پرەزيدەنتتەرٸنٸڭ كەلٸسسٶزٸ بارىسىندا قازاقستان مەن ٶزبەكستان تەرريتوريياسى ارقىلى رەسەي گازىن تاسىمالداۋ جۇمىستارىن ٷيلەستٸرۋ ماقساتىندا قۇرامىنا رەسەي, قازاقستان, ٶزبەكستان كٸرەتٸن "ٷشتٸك گاز وداعىن" قۇرۋ مەسەلەسٸ قاراستىرىلعانىن اتاپ ٶتكەن جٶن.
قاسىم-جومارت توقاەۆ پەن ۆلاديمير پۋتين بارلىق تاراپتىڭ مٷددەلەرٸن ەسكەرە وتىرىپ, وسى مەسەلەنٸڭ ۇتىمدى شەشٸمٸن تابۋ ٷشٸن ٷش ەل ساراپشىلارىنىڭ قاتىسۋىمەن ەگجەي-تەگجەيلٸ كەلٸسسٶز جٷرگٸزۋ قاجەت دەپ سانايدى", - دەپ جازدى جەلدٸباي Facebook-پاراقشاسىندا.
ەسكە سالايىق, 28 قاراشادا توقاەۆ مەسكەۋگە رەسمي ساپارمەن باردى. بۇل قازاقستان پرەزيدەنتٸنٸڭ ۇلىقتاۋ رەسٸمٸنەن كەيٸنگٸ العاشقى ساپارى بولدى.
