2017 jyldyń 13 qarashasy kúni Almaty qalasynyń Memlekettik qýyrshaq teatrynda Múgedekter kúnine arnalaǵan úshinshi «Dostyq» festivali ótti.
Is-sharaǵa múmkindikteri shekteýli adamdar, olardyń týystary, etnomádeni birlestikterdiń ókilderi, jastar jáne basqalar qatysty.
Festivaldi Almaty qalasy ákimi apparatynyń «Qoǵamdyq kelisim» KMM, «Sharapat» jas múgedekter uiymy, Medeý aýdandyq erikti múgedekter qoǵamy uiymdastyrdy.
Is-shara aiasynda merekelik kontsert ótip, múmkindigi shekteýli adamdar ujymdary óz ónerin ortaǵa saldy.
Is-sharaǵa Almaty qalasy Qazaqstan halqy Assambleiasy tóraǵasynyń orynbasary – Mamsýrov Kazbek Vladimirovich, Almaty qalasy ákimi apparatynyń «Qoǵamdyq kelisim» KMM direktory – Murynova Jannat Sharaphanqyzy, Almaty qalasy ákiminiń múmkindikteri shekteýli jandar máselesi boiynsha keńesshisi – Alaev Veniamin Iýrevich, Medeý aýdandyq erikti múgedekter qoǵamynyń tóraiymy – Klimko Liýbov Kasymovna jáne «Sharapat» múgedek jastar uiymynyń jetekshisi – Mananbaeva Raýshan Temirbekqyzy qatysyp, quttyqtaý sóz sóiledi.
Birikken ulttar uiymynyń «Múgedekterdiń quqyqtary týraly» konventsiiasyn ratifikatsiialaý týraly Zańnyń qabyldanýy respýblikadaǵy múmkindigi shekteýli adamdar úshin eń mańyzdy oqiǵa boldy. Búgingi kúni, múgedekterdiń bilim alýǵa jáne jumysqa ornalasýǵa qoljetimdiliginiń keńeiýi jáne olardyń qoǵam ómirine tolyq qatysýy memleketke ekonomikalyq, áleýmettik jáne saiasi áserin berýde.
Quttyqtaý sózinen keiin merekelik kontsert bastaldy. Kontsertte Talǵar qalasynyń «Belyi angel» klýbynyń músheleri, «Sharapat» jas múgedekter uiymynyń, Áleýmettik qyzmet kórsetý ortalyǵynyń bishileri men ánshileri, «Júregim qazaq» atty ym ánin oryndaǵan, №1 mektep-internattyń oqýshylary, №5 mektep-internatynyń «Arai» bi ujymy jáne basqalar óner kórsetti.
Kontsertten keiin marapattaý rásimi ótti. Qatysýshylarǵa madaqtamalar, gúlder jáne baǵaly syilyqtar berildi. Is-shara sonyńda kórermender men qatysýshylar tamasha mereke úshin uiymdastyrýshylarǵa alǵysyn aitty.
.jpeg)