Úsharal jáne Úrjar áýejailarynyń jasandy ushý-qoný jolaqtaryn rekonstrýktsiialaý jumystary jalǵasyp jatyr. Bul sharalar Alakól kóliniń jaǵalaýyn áýe kóligimen qamtamasyz etý maqsatynda qolǵa alynǵan, - dep habarlaidy Indýstriia jáne infraqurylymdyq damý ministrliginiń baspasóz qyzmeti.
Atap aitqanda, ushý-qoný jolaqtary men perrondy qaita jańartý, jaryq-signaldyq jabdyq pen perimetrlik qorshaýdy ornatý kózdelgen. Jalpy áýejailardaǵy qaita jóndeý jumystary qaýipsizdik pen sapa standarttarynyń deńgeiin arttyrýǵa baǵyttalǵan.
"Jóndeý jumystaryn Jetisý jáne Abai oblystarynyń ákimdikteri júrgizýde. Esterińizge sala keteiik, jergilikti atqarýshy organdar qaita jóndeý boiynsha jumystardy jazǵy demalys maýsymnyń bastalýyna deiin aiaqtaýdy josparlaǵan bolatyn. Alaida merdigerlik uiymdar tarapynan jumystyń ýaqytyly oryndalmaýyna bailanysty nysan kórsetilgen merzimde tapsyrylmaǵan. Osy rette QR IIDM basshysy Qaiyrbek Óskenbaev Úsharal jáne Úrjar áýejailarynda júrip jatqan qurylys-montajdaý jumystaryn jyldamyraq aiaqtaýdy tapsyrdy" - delingen habarlamada.
Úsharal jáne Úrjar áýejailaryna sýbsidiialanatyn reisterdi uiymdastyrý máselesine keletin bolsaq, QR Indýstriia jáne infraqurylymdyq damý ministrligi tarapynan atalǵan rásimder aldyn ala júrgizilgen. Iaǵni tiisti qarajat bólinip, reisterdi júzege asyratyn aviakompaniialar anyqtaldy.
Osylaisha, ótkizilgen konkýrs qorytyndysy boiynsha «SCAT» aviakompaniiasy Úsharal – Almaty jáne Úsharal – Nur-Sultan baǵyttarynda tasymaldaýshy bolyp tanyldy. Reister áýe kemelerinde jazǵy maýsymda ár baǵyt boiynsha aptasyna 14 reis jiiligimen, qalǵan ýaqytta 7 reis oryndalatyn bolady. Bilettiń quny tiisinshe 15 myń teńge jáne 16 myń teńgeni quraidy.
Sondai-aq, Úsharal-Taldyqorǵan baǵyty boiynsha «Jetisý» aviakompaniiasy jazǵy maýsymda 28 reis jiiligimen, qalǵan kezeńde 14 reis oryndaityn bolady. Reis «L-410» ushaqtarynda júzege asyrylady, bilet quny – 8 myń teńge.
"Úrjar – Almaty jáne Úrjar – Nur-Sultan baǵytynda jariialanǵan konkýrs qorytyndysy boiynsha tasymaldaýshy bolyp «Iýjnoe nebo» aviakompaniiasy tanyldy. Reister «An-24» áýe kemelerinde jazǵy maýsymda ár baǵyt boiynsha aptasyna 10 reis jiiligimen, qalǵan ýaqytta 5 reis oryndalatyn bolady. Bilet quny sáikesinshe 14-16 myń teńge" - delingen habarlamada.
Jergilikti atqarýshy organdardyń aqparatyna sáikes, Úsharal áýejaiyn qaita jańartý jumystary 20 shildede, al Úrjar áýejaiyndaǵy jumystar tamyz aiynyń basynda máresine jetedi dep josparlanǵan.
Aita keterligi, vedomstvo basshysy Qaiyrbek Óskenbaevtyń tapsyrmasy boiynsha Úsharal jáne Úrjar áýejailarynda qaita jóndeý jumystary júrgizilip jatqan kezde Alakól kóliniń jaǵalaýyna kóliktiń basqa túrlerine degen qoljetimdilikti qamtamasyz etý úshin jolaýshylar tasymaldaityn poiyzdardyń sany artqan.
Almaty – Alakól:
– №221/222 «Almaty-2 – Dostyq», aptasyna 3 ret;
– №255/256 «Almaty-2 – Dostyq», aptasyna 3 ret;
– №211/212 «Almaty-2 – Dostyq», aptasyna 2 ret;
– №453/454 «Almaty-2 – Dostyq», jazda aptasyna 3 ret;
– №22/21 «Qyzylorda – Semei» poezynda 8 tirkemeli vagon, jaz mezgilinde, kún saiyn.
Nur-Sultan – Alakól:
– №258/257 «Nur-Sultan – Dostyq», jaz maýsymynda, aptasyna 2 ret;
– № 54/53 «Nur-Sultan – Dostyq», aptasyna 2 ret;
– № 121/122 «Nur-Sultan – Semei» poezynda 6 tirkemeli vagon, jaz maýsymynda kún saiyn.
Nur-Sultan – Semei:
– 457/458 «Semei – Dostyq», jaz mezgilinde, kún saiyn;
- 459/460 «Óskemen – Dostyq», jaz mezgilinde, kún saiyn.
