2021 jyldyń 15 qańtarynda saǵat 09.00-den bastap qatty jel turyp, boran, burqasyn bolyp, jolda kórý qiyndaǵan soń Almaty oblysynyń Alakól aýdanynynda «Úsharal-Dostyq» (Kóktuma a.-Dostyq a., 84-184 shaqyrym) respýblikalyq mańyzy bar avtojol ýchaskede avtokólikterdiń barlyq túri úshin jol jabyldy.
Bul týraly QR Tótenshe jaǵdailar ministrliginiń baspasóz qyzmeti habarlady.
Qazirgi ýaqytta jaǵdai turaqty, ári baqylaýda. Jol qyzmetteri joldardy tazalaýda. Avtojolda 9 júk avtokóligi tur, al júrgizýshiler «Dostyq» stantsiiasynda kútýde.
«Úsharal-Dostyq» avto jáne temirjol qatynasy Jońǵar qaqpasy dep atalatyn ýchaske arqyly ótedi. Taý ótkeliniń aita keterlik ereksheligi, bul jerde jeldiń ekpini sekýndyna 70 metrge deiin jetedi.
Qysqy kezeńniń basynan bastap aýa raiynyń nasharlaýyna bailanysty «Úsharal-Dostyq» baǵytyndaǵy avtojol 12 ret jol jabyldy. Sondai-aq avtojoldyń osy ýchaskesinde 47 adam qutqarylyp, evakýatsiialandy jáne 18 tehnika qar qursaýynan shyǵaryldy.
«Jalpy, 2020-2021 jyldardaǵy qys mezgiliniń basynan beri el turǵyndaryna «112» telefon nómiri boiynsha 2 040 SMS-habarlama, «Dármen» mobildi qosymshasy arqyly 678 habarlama jiberildi. Elimizde 651 ret aýa raiyna bailanysty eskertý jariialandy. Elimizdegi respýblikalyq mańyzy bar avtojoldar 28 ret jabylyp, 34 ret sheteý qoiyldy», - dep málimdedi QR TJM resmi ókili Talǵat Ýáli.
Alaida, osy eskertýlerge qaramastan, adamdar jolǵa shyǵyp, qar qursaýynda qalǵan jaǵdailar boldy. Osylaisha, qar qursaýynan 204 adam, onyń ishinde 14 bala qutqaryldy. 186 adam, onyń ishinde 5 bala evakýatsiialandy. Qutqarýshylar qar qursaýynan 57 avtokólikti shyǵardy.
Qajet bolǵan jaǵdaida ákimdikter qar qursaýynda qalǵan adamdar úshin jylytý pýnktterin uiymdastyrylady. Budan basqa, qajet bolǵan jaǵdaida respýblikalyq mańyzy bar avtojoldarda ornalasqan Tótenshe jaǵdailar ministrliginiń 40 trassalyq meditsinalyq-qutqarý pýnkti jylytý pýnktteri retinde paidalanylady.
«Qysta kólikpen alys jolǵa shyqpas buryn, mindetti túrde aýa raiy boljamyn qaraý qajet.
Eger qatty boran bolsa, siz jol keptelisine túsip qalýyńyz múmkin. Tipti jol-kólik oqiǵasyna da tap bolýyńyz yqtimal.
Eger Sizge qandai da bir eldi mekenge shuǵyl barý kerek bolsa, mejeli jerge kedergisiz jetý úshin temir jol kóligin paidalanyńyz.
Eger Siz osy qarapaiym nusqaýlardy oryndasańyz, bul boran kezinde jáne borannan keiin aman qalýǵa kómektesedi», - delingen habarlamada.
