Almaty mańynda ushaqtyń qulaý sebepterin bas memlekettik eńbek inspektory naqtylap jatyr. Bul jóninde Eńbek jáne halyqty áleýmettik qorǵaý ministrligine silteme jasap "Ult aqparat" habarlaidy.
«Qazirgi ýaqytta QR Eńbek jáne halyqty áleýmettik qorǵaý ministrligi Eńbek, áleýmettik qorǵaý jáne kóshi-qon komitetiniń tóraǵasy, Qazaqstan Respýblikasynyń Bas memlekettik eńbek inspektory Erbol Nurǵaliev apat ornynda jumys istep jatyr jáne áýe apattyń mán-jaiy men sebepterin anyqtaýda» delingen habarlamada.
Tergeý nátijeleri týraly qosymsha habarlanady.
Aita keteiik, keshe tańǵy mezgilde Almatydan Nur-Sultan qalasyna shyqqan ushaq radardan joǵalyp ketti.
Keiin 95 jolaýshysy jáne 5 ekipaj múshesi bar ushaqtyń apatqa ushyraǵany málim boldy.
Oqiǵanyń mán-jaiyn anyqtaý úshin ushaq qulaǵan aýmaqqa arnaiy komissiia bardy.
QR Prezidenti Qasym-Jomart Toqaev ushaq apatyna kináliler zańǵa sáikes qatań jazalanatynyn málimdedi.
