Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty
Aimaq

"Ushaqtyń esigin ashpasańdar, órtep jiberemiz dedi" - ushqysh qańtar oqiǵalary týraly

Ult portaly
"Ushaqtyń esigin ashpasańdar, órtep jiberemiz dedi" - ushqysh qańtar oqiǵalary týraly


Qańtar oqiǵasy kezinde áýejaidaǵy ushaqtyń birinde qalyp qoiǵan ushqysh sol kúni bastan keshken oqiǵa týraly alǵash ret suhbat berdi. Almas Baiǵojinniń aitýynsha, ishke entelegender qazaq, orys, tipti aǵylshyn tilinde sóilegen, - dep habarlaidy Tengrinews.kz tilshisi KTK telearnasyna silteme jasap. 

Besinshi qańtar. Almaty áýejaiy. Birneshe saǵattan soń ushaqqa shabýyl bolady degen oi ol sátte Almas Baiǵojinniń qaperine kelmegen. Terminaldy tonap, turaqtaǵy kólikterdi aidap, odan soń ózine bet alǵan topty kórgende ishten esikti tars jaýyp, tym-tyrys qatqan da qalǵan.

"Jinalǵan toptyń biri ushaqqa kelip ainalasyn qarailady. Biraq eshnárse istemedi. 78 jigit bolatyn. Araǵa jarty saǵat salyp, bir kezde 15 shaqty adam keldi. Qolynda temir, balta, taǵy da basqa zattar boldy. Esikti buzyp kirgisi keldi. Bir qyzyǵy, olar esiktiń syrttan qalai ashylatynyn bilgendei áreket etti. Óitkeni qurylymy kúrdeli bolǵandyqtan, ony qalai ashý keregin ekiniń biri bilmeidi", - deidi ushqysh Almas Baiǵoji.

Telearna tilshisiniń sózinshe, syrttan urǵylaýdan eshteńe ónbegen. Terezege jaryqshaq qaldyrypty. Ishtegi esikke ekipajdyń jarmasqan sáti fotoǵa túsken. Kúlimdep turǵan jigitter jaǵdaidyń shiryǵyp turǵanyn ol sátte sezbegen edi. Tysqa shyǵyńdar dep aiqailaǵandardyń úsh tilde sóilegenin aitady.

"Ushaqtyń esigin ashpasańdar, órtep jiberemiz" dep orys jáne qazaq tilinde qorqytty. Al aǵylshynsha "esikti ashsańdar, senderge eshteńe bolmaidy, ýaiymdamańdar" dep sendirgisi keldi. Ne isterimizdi bilmedik. Aldyn ala ushaqty óshirgenbiz. Sondyqtan olar bizdiń munda otyrǵanymyzdy bilmegen de bolýy múmkin", - deidi ushqysh Almas Baiǵojin.

Ushaqqa aqyry kire almai meseli qaitqandar bir-birlep taraǵan. Ekipaj bes saǵat tym-tyrys ushaqta tyǵylyp, tek tańda keńselerine baryp, ary úiine qaitqan. Almas Baiǵojin sol kezde bastan keshken áserinen endi aiyǵyp, óz oqiǵasyn aitam dep sheshipti. 

Oqi otyryńyz