Almatyda ushaq apatynan zardap shekkenderge qan tapsyrý úshin donorlar izdestirilýde, dep habarlaidy "Ult aqparat".
Atalmysh habarlama Almaty qalasy ákimdiginiń telegramdaǵy resmi paraqshasynda jariialandy.
«Qurmetti almatylyqtar. Ushaq apatyna bailanysty shuǵyl túrde qan donory kerek. Almatyda qan ortalyǵynyń mekenjaiy Buqar jyraý, 47 úi, telefon: 274-31-99. Almaty oblystyq qan quiý ortalyǵynyń mekenjaiy: Qaskeleń qalasy, Abylai han kóshesi, 42 úi, telefon: +7 (72771) 2 28 04», - delingen habarlamada.
Aita keteiik, búgin tańda Almatydan Nur-Sultan qalasyna ushyp shyqqan ushaq radardan joǵalyp ketti.
Keiin 95 jolaýshysy jáne 5 ekipaj múshesi bar ushaqtyń apatqa ushyraǵany málim boldy.
Oqiǵanyń mán-jaiyn anyqtaý úshin ushaq qulaǵan aýmaqqa arnaiy komissiia ushyp shyqty.
Osy apatqa qatysty shuǵyl jeli iske qosylǵan.
Qaiǵyly oqiǵaǵa bailanysty Memleket basshysy Qasym-Jomart Toqaev kóńil aitty.
