QR Ishki ister ministrligi Almaty qalasynyń mańyndaǵy ushaq apatyna bailanysty sotqa deiingi tergeý amaldaryn bastady, dep habarlaidy "Ult aqparat".
«Ishki ister ministrligi QR Qylmystyq kodeksiniń 344-baby 3-tarmaǵy boiynsha (áýe kóligi júrisi nemese olardy paidalaný qaýipsizdigi qaǵidalaryn buzý) sotqa deiingi tergeýdi bastady. IIM ortalyq apparatynyń, Almaty jáne Almaty oblystyq kóliktegi politsiia departamentteriniń, sonymen qatar Tótenshe jaǵdailar komitetiniń qyzmetkerlerinen – tájiribeli tergeýshiler, kriminalisterden jasaqtalǵan jedel tergeý toby quryldy», - dep atap ótedi ministrlikten.
Vedomstvo málimetinshe, oqiǵa orny kúzetke alyndy. Apat bolǵan jerdegi jumystardy úilestirý úshin Ishki ister ministriniń orynbasarlary, politsiia general-maiorlary Rashid Jaqypov pen Iýrii Ilin oqiǵa ornyna jetti.
