Densaýlyq saqtaý vitse-ministri Qamaljan Nádirov ushaq apaty kezinde politsei qutqaryp qalǵan 9 ailyq sábidiń qal-jaǵdaiyn bilip qaitty, dep habarlaidy QazAqparat.
«Biz jańa ǵana balalar aýrýhanasyndaǵy búldirshinderge kirip shyqtyq. Onyń ishinde 9 ailyq ul bala da bar. Onyń jaǵdaiy birqalypty, janynda týys-týǵandary men jaqyndary bar», - dedi vitse-ministr.
Almaty qalalyq qoǵamdyq densaýlyq saqtaý basqarmasynyń basshysy Tileýhan Ábildaevtiń sózine sensek, bala ushaqta ata-anasymen birge bolǵan. Ol videolardy túgel qarap shyqpaǵanyn, degenmen barlyq bala klinikalyq balalar aýrýhanasynda em alyp jatqanyn aitty. Jaǵdailary birqalypty. Ómirine qaýip tónip turǵan joq.
Aita keteiik, keshe tańǵy mezgilde Almatydan Nur-Sultan qalasyna shyqqan ushaq radardan joǵalyp ketti.
Keiin 95 jolaýshysy jáne 5 ekipaj múshesi bar ushaqtyń apatqa ushyraǵany málim boldy.
Oqiǵanyń mán-jaiyn anyqtaý úshin ushaq qulaǵan aýmaqqa arnaiy komissiia bardy.
QR Prezidenti Qasym-Jomart Toqaev ushaq apatyna kináliler zańǵa sáikes qatań jazalanatynyn málimdedi.
