Tótenshe jaǵdailar komiteti Almaty mańyndaǵy ushaq apaty kezinde qutqarý jumysy qalai júrgenin aityp berdi, dep habarlaidy "Ult aqparat".
Ushaq apaty týraly aqparat alǵan soń IIM Tótenshe jaǵdailar komitetiniń Ahýal ortalyǵy bazasynda apat saldaryn joiý jáne ózara is-qimyl jasaityn shuǵyl jáne múddeli azamattyq qorǵaý qyzmetteriniń (IIM, IIDM, DSM, Qorǵanysmini, EM, AShM, TsDIAÓM, Qazgidromet jáne UU) is-qimylyn úilestirý jónindegi respýblikalyq jedel shtab quryldy. Respýblikalyq jedel shtab bastyǵy – TJK tóraǵasynyń orynbasary, polkovnik T. Q. Nurmaǵambetov
Sonymen qatar, aýmaqtyq deńgeide Nur-Sultan, Almaty qalalary, Almaty jáne Qostanai oblystarynyń TJ departamentterinde, Nur-Sultan jáne Almaty qalalarynyń halyqaralyq áýejailarynda 2 shtab quryldy.
«TJK ahýal ortalyǵynda, Nur-Sultan, Almaty, Almaty qalalarynda, Almaty jáne Qostanai oblystarynda zardap shekkenderge shuǵyl psihologiialyq kómek kórsetý úshin «qaýyrt jeli» uiymdastyryldy. Qaýyrt jeli nómirine 917 qońyraý tústi, zardap shekkenderdiń 30 týysyna shuǵyl psihologiialyq kómek kórsetildi. Jedel jeli telefondaryna Niderlandy, AQSh, Filippin, Finliandiia, Resei, Slovakiia jáne Germaniia elshiliginen qońyraý kelip tústi. Nur-Sultan qalasynyń áýejaiynda zardap shekkenderdiń týystaryna shuǵyl psihologiialyq kómek kórsetý boiynsha jumystar uiymdastyryldy, bul jumysqa 23 psiholog, onyń ishinde TJK Apattar meditsinasy ortalyǵynyń 2 psihology jáne 1 brigadasy, sondai-aq Nur-Sultan qalasy Qoǵamdyq densaýlyq saqtaý basqarmasynyń meditsinalyq uiymdarynan 18 psiholog jáne áýejaidyń 3 psihology jumyldyryldy» delingen habarlamada.
Ushaq apaty kezinde zardap shekkender úshin Nur-Sultan jáne Almaty qalalary TJD jeke quramy qan tapsyrdy.
Qutqarý operatsiiasyna barlyǵy 984 adam, 72 tehnika jáne 33 jedel meditsinalyq kómek brigadasy jumyldyryldy: Almaty qalasy jáne Almaty oblysy TJD (60 qyzmetker men 16 tehnika) , TJK Respýblikalyq jedel-qutqarý jasaǵy (24 qyzmetker, 4 kinologiialyq esep jáne 4 tehnika) , Almaty qalasy IID (470 politsiia qyzmetkeri men 40 tehnika) , UU (420 adam men 10 tehnika) , Almaty qalasy ákimdiginiń qutqarý qyzmeti (10 qyzmetker men 2 tehnika) .
