Almaty qalasy mańynda apatqa ushyraǵan ushaqta Ýkraina, Qyrǵyzstan, Qytai jáne Qazaqstan azamattary bolǵan. Bul týraly QR Ishki ister ministrliginiń baspasóz qyzmetinen málim etti, dep habarlaidy "Ult aqparat".
«Ushaq bortynda jalpy 5 ekipaj múshesi men 93 jolaýshy bolǵan. Onyń ekeýi Ýkraina (Iýrii Son men Iana Son), bireýi Qyrǵyzstan (Mag Klykov), taǵy bireýi Qytai (Maýlina Nýrlan) azamattary, al qalǵandary — qazaqstandyqtar. Oqiǵa saldarynan 12:30-daǵy jaǵdai boiynsha 12 adam, onyń ishinde ekipaj komandiri qaza tapty. Almaty qalasynyń túrli meditsinalyq mekemelerine 49 adam jatqyzyldy. Olardyń 18-iniń jaǵdaiy aýyr. Qalǵandaryna meditsinalyq jáne psihologiialyq kómek kórsetilip jatyr. Qaýyrt jelige 603 qońyraý tústi. Qutqarý jumystary jalǵasýda», - dep atap ótedi ministrlikten.
