Reseilik úsh enshiles bankke qatysty sanktsiialar engizilgennen keiin, tiisti shekteýler kúshine endi. Bul týraly QR Qarjy naryǵyn retteý jáne damytý agenttiginiń tóraǵasy Mádina Ábilqasymova málim etti, dep habarlaidy QazAqparat.
«Qazaqstandaǵy reseilik úsh enshiles bankke qatysty sanktsiia engizilgennen keiin, tiisti shekteýler boldy. Olar sheteldegi banktiń, iaǵni korrespondent bankterdiń aktivterin buǵattaýǵa qatysty jasaldy. Bul óz kezeginde shetel valiýtasyndaǵy aktivterge bailanysty boldy», - dedi Ábilqasymova Májiliste tilshiler saýalyna jaýap bere otyryp.
Osy oraida ol sanktsiialar shetelde bankterdiń avtivterin tikelei buǵattaý qadamdaryn qarastyratyn atap ótti.
«Ekinshiden, shetel bankterine osyndai sanktsiiaǵa ilikken banktermen operatsiialar júrgizýge tyiym salynǵan. Sonymen qatar, shetel valiýtasynda operatsiialar ótkizýge de shekteý bar. Atap aitqanda, ulttyq valiýtada, iaǵni teńgemen operatsiialar júrgizýge eshqandai shekteýler engizilmegen», - dedi agenttik basshysy.
Munymen qosa ol memleket ishinde de operatsiialar ótkizýge shekteýler jasalmaǵanyn aitty.
«Bizdegi aqparatqa qaraǵanda, úsh reseilik bank boiynsha birqatar klienttiń shottary úsh mlrd teńgege buǵattalǵan. Qazirgi kezde bul adamdar sanktsiiaǵa ilikkender sanatynda bolmasa, onda osy adamdardyń ózderi tiisti jumystardy atqarýy kerek. Iaǵni, bul adamdarǵa qatysty aktivter buǵattaýdan shyǵarylady. Tiisti talaptar qarastyrylǵan, sondyqtan olar AQSh-tyń qarjy ministrligine qaraityn shetel aktivterin qadaǵalaý jónindegi basqarmaǵa júginýi tiis. Osy arqyly atalǵan aktivterdi ainalymǵa shyǵara alady», - dedi Mádina Ábilqasymova.
