Foto: Polisia.kz
Almaty oblysynyń PD uiymdasqan qylmysqa qarsy kúres basqarmasynyń qyzmetkerleri vedomstvonyń arnaiy jasaǵymen birlesip, Almaty jáne Jetisý oblystarynyń, sondai-aq Almaty qalasynyń aýmaǵynda bopsalaýshylar tobyn ustady, – dep habarlaidy "Ult aqparat" Polisia.kz portalyna silteme jasap.
Topta 21-46 jas aralyǵyndaǵy jeti adam bolǵan.
"Bul fakt politsiiada QR QK-niń 194-baby 2-bóliginiń 2-tarmaǵy (Bopsalaý) boiynsha tirkelgen. Aita keteiik, aǵymdaǵy jyldyń 11 naýryzynda Qaskeleń qalasyndaǵy qoimalardyń biriniń aýmaǵynda joǵaryda atalǵan toptyń qatysýshylary sheteldik azamatqa qatysty kúsh qoldanyp, qoqan-loqqy jasaý arqyly iri kólemde aqsha bopsalaǵan, – deidi Almaty oblysy PD uiymdasqan qylmysqa qarsy kúres basqarmasynyń bastyǵy Dýlat Qaiyr.
Ustalǵandar qamaýǵa alyndy.
"Qazirgi ýaqytta kúdiktilerdiń osyǵan uqsas basqa da qylmystarǵa qatysy bar-joǵy tekserilip, barlyq qajetti tergeý áreketteri júrgizilip jatyr. Osy jumystardyń nátijeleri boiynsha is materialdary túpkilikti sheshim qabyldaý úshin sotqa jiberiledi", – dedi Dýlat Qaiyr.
