فوتو: Polisia.kz
الماتى وبلىسىنىڭ پد ۇيىمداسقان قىلمىسقا قارسى كٷرەس باسقارماسىنىڭ قىزمەتكەرلەرٸ ۆەدومستۆونىڭ ارنايى جاساعىمەن بٸرلەسٸپ, الماتى جەنە جەتٸسۋ وبلىستارىنىڭ, سونداي-اق الماتى قالاسىنىڭ اۋماعىندا بوپسالاۋشىلار توبىن ۇستادى, – دەپ حابارلايدى "ۇلت اقپارات" Polisia.kz پورتالىنا سٸلتەمە جاساپ.
توپتا 21-46 جاس ارالىعىنداعى جەتٸ ادام بولعان.
"بۇل فاكت پوليتسييادا قر قك-نٸڭ 194-بابى 2-بٶلٸگٸنٸڭ 2-تارماعى (بوپسالاۋ) بويىنشا تٸركەلگەن. ايتا كەتەيٸك, اعىمداعى جىلدىڭ 11 ناۋرىزىندا قاسكەلەڭ قالاسىنداعى قويمالاردىڭ بٸرٸنٸڭ اۋماعىندا جوعارىدا اتالعان توپتىڭ قاتىسۋشىلارى شەتەلدٸك ازاماتقا قاتىستى كٷش قولدانىپ, قوقان-لوققى جاساۋ ارقىلى ٸرٸ كٶلەمدە اقشا بوپسالاعان, – دەيدٸ الماتى وبلىسى پد ۇيىمداسقان قىلمىسقا قارسى كٷرەس باسقارماسىنىڭ باستىعى دۋلات قايىر.
ۇستالعاندار قاماۋعا الىندى.
"قازٸرگٸ ۋاقىتتا كٷدٸكتٸلەردٸڭ وسىعان ۇقساس باسقا دا قىلمىستارعا قاتىسى بار-جوعى تەكسەرٸلٸپ, بارلىق قاجەتتٸ تەرگەۋ ەرەكەتتەرٸ جٷرگٸزٸلٸپ جاتىر. وسى جۇمىستاردىڭ نەتيجەلەرٸ بويىنشا ٸس ماتەريالدارى تٷپكٸلٸكتٸ شەشٸم قابىلداۋ ٷشٸن سوتقا جٸبەرٸلەدٸ", – دەدٸ دۋلات قايىر.
