AQSh-tyń Jaǵalaýdaǵy kúzet qyzmeti Bagamnyń adam turmaityn araldarynyń birinen úsh Kýba turǵynyn qutqardy. Olar aralda 33 kún bolyp, tek kokos jegen. Bul týraly VVS agenttigi habarlady.
Patrýldik tikushaq ushqyshtary Florida-Kis pen Kýbanyń arasynda ornalasqan Angilia-Kei shaǵyn aralynda qoldan jasaǵan týdy jelbiretip turǵan eki er adam men bir áieldi baiqap qalǵan.
AQSh-tyń Jaǵalaýdaǵy kúzet qyzmetiniń leitenanty Raili Bicherdiń agenttikke bergen suhbatynda áýeden patrýldeý kezinde aralda kómekke shaqyryp turǵan úsh adamdy kórgendigin málim etken.
Ekipajdyń zardap shekkenderdi birden qutqarýǵa múmkindigi bolǵan joq, alaida olarǵa sý, azyq-túlik jáne ratsiia qaldyryp ketken. «Kýbalyqtar aralda 33 kún turyp jatqandaryn aitty», - dedi Bicher.
Qutqarylǵan adamdar aralǵa qaiyqtarynyń sýǵa batyp qalǵannan keiin tap bolǵandaryn jáne bir aidan astam ýaqyt tek kokos jegenderin baiandap berdi.
Úsh «Robinzon» araldan tikushaqtyń kómegimen shyǵaryldy.
