Búgin Qazaqstannyń úsh ministrligi – bilim jáne ǵylym, ádilet, din jáne azamattyq qoǵam ministrligi Qazaqstan Respýblikasynyń zańnamasyna sáikes, dini rásimdegi kiimderdi mektepke kiiýge tyiym salynǵandyǵyn málimdedi, dep habarlaidy BNews.kz.
Biyl 4761 mektepte 2 millionnan astam oqýshy bekitilgen mektep formasyn kiip júr.
«Bilim ministrligine ata-analar komitetinen dini rásimdegi kiimderdi kiiýge qatysty 5 myńnan astam ótinish túsipti. Buryn mundai jaǵdai qatty shielenis týdyrmaǵan. Sondyqtan, búgin barlyq suraqqa jaýap berip, bul máseleniń sheshimin shyǵardyq», – deidi bilim jáne ǵylym vitse-ministri Elmira Sýhanberdieva.
Osyǵan bailanysty, QR Bilim jáne ǵylym ministrliginiń 2016 jyldyń 14 qańtaryndaǵy №26 buiryǵymen mektep formasynyń biryńǵai erejesin engizildi: pidjak, keýdeshe, jeide, shalbar, klassikalyq jeide (qys kezinde qalyń keýdeshe, sarafan) kiiýi kerek.
«Dini ereksheligi bar kiim, oramal, hidjab jáne t.b. kiiýge jol berilmeidi jáne buǵan deiin de tyiym salynǵan. Zańnamanyń normalary barlyq ultqa ortaq. Dini kiimdi tek bilim mekemesinde kiiýge bolmaidy. Onyń syrtynan tys jerde ne kise de óz erki. Olardyń dini kózqarasyna shekteý joq», – deidi QR bilim jáne ǵylym vitse-ministri.
Eger bala mektepke dini kiimmen kelse, onda ol mektepke kire alady. Biraq, artynsha balanyń kiimin sheshý úshin ata-anasy mektepke shaqyrylady.
«Balany qýmaimyz. Biraq, dini kiimdi sheshý úshin ata-anasyn shaqyramyz. Eshkim balanyń kiimin kúshtep sheshe almaidy. Mundai kiimmen bala birneshe ret kelse, ata-anasy qulaq aspasa, onda ol esik aldynda ata-anasyn kútip turýǵa májbúr bolady. Ázirge «balamdy mektepke kirgizbedi» degen shaǵym túsken joq. Biz oqýshy quqyǵyn buzbaimyz. Biraq, olardyń da erejeni buzýyna jol bermeimiz. Ata-anasyn kútemiz», – deidi E.Sýhanberdieva.
