QR Premer-Ministri Asqar Maminniń tóraǵalyǵymen ótken Úkimet otyrysynda biylǵy I toqsandaǵy elimizdiń áleýmettik-ekonomikalyq damýynyń jáne respýblikalyq biýdjettiń oryndalýynyń kórsetkishteri týraly QR Premer-Ministriniń Birinshi orynbasary – qarjy ministri Á. Smaiylov, QR ulttyq ekonomika ministri R. Dálenov baiandady.
Kún tártibiniń máselesi boiynsha QR Ulttyq bankiniń tóraǵasy E. Dosaev, «Samuryq-Qazyna» UÁQ» AQ basqarma tóraǵasy A. Esimov sóz sóiledi, sondai-aq Aqmola oblysynyń ákimi E. Marjyqpaev pen Nur-Sultan qalasynyń ákimi B. Sultanovtyń baiandamalary tyńdaldy.
QR Premer-Ministri 2019 jylǵy 10 sáýirde Elbasy N. Á. Nazarbaevtyń tóraǵalyǵymen ótken Qaýipsizdik keńesiniń otyrysy týraly aityp ótti. Elimizdiń biylǵy I toqsandaǵy áleýmettik-ekonomikalyq damý qorytyndylary qaraldy.
«Qańtar-naýryzda JIÓ 3,8%-ǵa ósti. Qurylys, saýda, taý-ken ónerkásibi, kólik salasy ekonomikanyń basty ósý qozǵaýshylary boldy», — dedi A. Mamin.
2019 jylǵy I toqsandaǵy QR negizgi makroekonomikalyq damý kórsetkishteri:
negizgi kapitalǵa investitsiialar kóleminiń ósimi — 7%;
biylǵy 2 aida syrtqy saýda kólemi 7,5% ósti;
2019 jyldyń 3 aiynda infliatsiia 1,3% qurady;
jumyssyzdyq deńgeii — 4,8%.
Negizgi kórsetkishter boiynsha I toqsanda Shyǵys Qazaqstan, Qostanai, Atyraý, Pavlodar jáne Qyzylorda oblystary jaqsy nátijelerge jetken.
«Jyl qorytyndysy boiynsha oń kórsetkishterdi qamtamasyz etý úshin negizgi kapitalǵa, qurylysqa jáne basqa da sektorlarǵa salynatyn investitsiialardy odan ári ósirý boiynsha jumysty kúsheitý kerek, — dedi QR Úkimet basshysy. — Sondai-aq, ortalyq jáne jergilikti atqarýshy organdar biýdjet qarajatyn ýaqytyly ári tolyq igerý jóninde sharalar qabyldaýy kerek.
QR Premer-Ministri A. Mamin álemdik ekonomika ósiminiń báseńdeýi jáne halyqaralyq sarapshylardyń onyń qarqyndarynyń 2018 jyly 3,6%-dan 2019 jyly 3,3%-ǵa deiin tómendeýi týraly boljamdary jaǵdaiynda ekonomikanyń inkliýzivti jáne sapaly damýyna kóńil bólý qajettigin aitty.
«Belsendi damýshy elderdiń sátti tájiribesi kórsetkendei, ekonomikanyń ornyqty damýy negizgi kapitalǵa investitsiialar kólemin únemi sandyq ári sapalyq arttyrý esebinen qamtamasyz etilýi qajet ekenin dálededi.
Investitsiialyq saiasatta taza tikelei sheteldik investitsiialardy tartý basymdyq bolýy tiis.
Biyl 18 sáýirde sheteldik investitsiialardy tartý boiynsha jańa tásilderdi uiymdastyrý týraly memlekettik organdardyń basshylary jáne jergilikti atqarýshy organ ókilderiniń qatysýymen keńes ótedi.
«Barlyq qabyldanǵan memlekettik baǵdarlamalar barynsha tiimdi ári tolyq kólemde iske asyrylýy tiis. Ortalyq jáne jergilikti memlekettik organdar ekonomika ósimi qarqynyn kúsheitýge barlyq kúsh-jigerdi jumsaýy qajet», — dedi QR Premer-Ministri A. Mamin.
