Osy jyldyń úsh aiynda 39 mlrd teńgeni quraityn qarjylyq buzýshylyqtar anyqtaldy. Bul týraly búgin Úkimet otyrysynda QR Qarjy ministri Erulan Jamaýbaev aitty, dep habarlaidy QazAqparat.
«Osy jyldyń úsh aiynda 3,2 trln teńgeden astam soma bolatyn, shamamen 186 myń memlekettik satyp alý rásimi kameraldyq baqylaýmen qamtyldy. Tekserý qorytyndylary boiynsha 9 912 rásimnen buzýshylyqtar anyqtaldy. Onyń ishinde memlekettik aýdit obektileri buzýshylyqtardy joiý týraly habarlamalardyń 91 paiyzydan astamy oryndaldy», - dedi Erulan Jamaýbaev.
Onyń aitýynsha, 500-den astam aýditorlyq is-shara ótkizildi. Aýditpen 1,5 trln teńge biýdjet qarajaty qamtyldy.
«Somasy 39 mlrd teńgege qarjylyq buzýshylyqtar anyqtaldy. Taýarlardy jetkizý, qyzmetterdi kórsetý men jumystardy oryndaý, biýdjetke óteý jáne esepke alý jolymen 33 mlrd teńgeniń buzýshylyqtary joiyldy. Aýdit obektileri qyzmetiniń tiimdiligin jetildirý jáne arttyrý úshin 400-den astam usynym berildi», - dedi ministr.
