Ýsein Bolt óz sporttyq jolyndaǵy sońǵy básekesinde oqystan jaraqattanyp qaldy.
Budan buryn segiz dúrkin olimpiada chempiony atanǵan sprinter sportpen Londondaǵy Álem chempionatynda jeńimpaz atanyp qoshtasqysy keletindigin málimdegen edi.
Ókinishke orai, aty ańyzǵa ainalǵan iamailyq jelaiaq Londondaǵy jeńil atletikadan ótip jatqan álem chempionatynda 4h100 estafetanyń sońǵy tórtinshi ainalymynda júgirgen edi. Biraq máre syzyǵyna jaqyndaǵan kezde aqsańdaǵan kúii júgiretin jolǵa qulady. Aldyn ala málimetterge qaraǵanda, ol jambasynan jaraqattanǵan.
Sondai-aq osy qashyqtyqta Iamaikanyń erler quramynda Omar Makleod, Djýlian Fort, Iohan Bleikter de júgirdi.
Bolt sońǵy básekeniń qorytyndy kezeńinde oqystan jaraqat alyp, máre syzyǵyna jetpei toqtady. Oqys jaǵdai týraly video YouTube-tegi Sportixer arnasynda paida boldy.
Estafetada 37,47 sekýnd kórsetkishimen Ulybritaniia komandasy jeńimpaz atandy. Ekinshi bolyp máre syzyǵyn - amerikalyqtar (37,52) qidy, úshinshi - japondyqtar (38,0).
