Perýdiń ońtústigindegi áigili Naska syzyqtarynyń mańynda týristik ushaq apatqa ushyrap, borttaǵy 13 adamnyń eshqaisysy aman qalmady, dep habarlaidy ult.kz.
Aldyn ala málimet boiynsha, Cessna Caravan C-208 ushaǵy Pisko áýejaiynan ushyp shyqqannan keiin tótenshe jaǵdai týraly habar bergen. Arada kóp uzamai áýe kemesi radardan joǵalyp, Naska qalasyna jaqyn mańda jerge qulaǵan.
Ushaqta 11 sheteldik týrist pen eki ekipaj múshesi bolǵan. Qutqarýshylar oqiǵa ornyna jetken kezde áýe kemesi tolyqtai órtenip ketkendikten, borttaǵy adamdardy aman alyp qalý múmkin bolmaǵan.
Qazir Perý biligi apattyń naqty sebebin anyqtaý úshin tergeý júrgizip jatyr. Al áýe kompaniiasy tergeý aiaqtalǵanǵa deiin reister kestesine ózgerister engizetinin habarlady.
