پەرۋدٸڭ وڭتٷستٸگٸندەگٸ ەيگٸلٸ ناسكا سىزىقتارىنىڭ ماڭىندا تۋريستٸك ۇشاق اپاتقا ۇشىراپ, بورتتاعى 13 ادامنىڭ ەشقايسىسى امان قالمادى, دەپ حابارلايدى ult.kz.
الدىن الا مەلٸمەت بويىنشا, Cessna Caravan C-208 ۇشاعى پيسكو ەۋەجايىنان ۇشىپ شىققاننان كەيٸن تٶتەنشە جاعداي تۋرالى حابار بەرگەن. ارادا كٶپ ۇزاماي ەۋە كەمەسٸ راداردان جوعالىپ, ناسكا قالاسىنا جاقىن ماڭدا جەرگە قۇلاعان.
ۇشاقتا 11 شەتەلدٸك تۋريست پەن ەكٸ ەكيپاج مٷشەسٸ بولعان. قۇتقارۋشىلار وقيعا ورنىنا جەتكەن كەزدە ەۋە كەمەسٸ تولىقتاي ٶرتەنٸپ كەتكەندٸكتەن, بورتتاعى ادامداردى امان الىپ قالۋ مٷمكٸن بولماعان.
قازٸر پەرۋ بيلٸگٸ اپاتتىڭ ناقتى سەبەبٸن انىقتاۋ ٷشٸن تەرگەۋ جٷرگٸزٸپ جاتىر. ال ەۋە كومپانيياسى تەرگەۋ اياقتالعانعا دەيٸن رەيستەر كەستەسٸنە ٶزگەرٸستەر ەنگٸزەتٸنٸن حابارلادى.
