Qazaqstannyń birinshi, álemniń 20-raketkasy Elena Rybakina US Open týrniriniń úshinshi ainalymyna shyqty, dep habarlaidy "Ult aqparat".
Osy «Úlken dýlyǵa» dodasynyń 19-raketkasy bolyp tirkelgen Rybakina ekinshi ainalymda dúniejúzilik reitingte 62-orynda turǵan frantsiialyq Karolnn Garsiiamen kortqa shyqty.
Bir saǵattan sál astam ýaqytqa sozylǵan matchta qazaqstandyq tennisshi qarsylasyn 6:1, 6:4 esebimen qinalmai utty.
Rybakina báseke barysynda 11 eis jasap, 6 breik-pointtyń teń jartysyn paidalandy. Breikke qol jetkizbegen K.Garsiia 1 ǵana eispen shekteldi.
Qazaqstandyq sportshynyń kelesi qarsylasy asa myqty. Ol – kezinde reitingte kósh bastaǵan 2018 jylǵy Rolan Garros, 2019 jylǵy Ýimbldon týrnirleriniń chempiony, biyl jaraqatyna bailanysty onsha óner kórsete almaǵan, qazirgi kezde reitingte 13-orynda turǵan rýmyniialyq Simona Halep. Halep te ekinshi kezdesýinde slovakiialyq Kristina Kýtsovany 6:3, 6:1 esebimen tize búktirdi.
