قازاقستاننىڭ بٸرٸنشٸ, ەلەمنٸڭ 20-راكەتكاسى ەلەنا رىباكينا US Open تۋرنيرٸنٸڭ ٷشٸنشٸ اينالىمىنا شىقتى, دەپ حابارلايدى "ۇلت اقپارات".
وسى «ٷلكەن دۋلىعا» دوداسىنىڭ 19-راكەتكاسى بولىپ تٸركەلگەن رىباكينا ەكٸنشٸ اينالىمدا دٷنيەجٷزٸلٸك رەيتينگتە 62-ورىندا تۇرعان فرانتسييالىق كارولنن گارسييامەن كورتقا شىقتى.
بٸر ساعاتتان سەل استام ۋاقىتقا سوزىلعان ماتچتا قازاقستاندىق تەننيسشٸ قارسىلاسىن 6:1, 6:4 ەسەبٸمەن قينالماي ۇتتى.
رىباكينا بەسەكە بارىسىندا 11 ەيس جاساپ, 6 برەيك-پوينتتىڭ تەڭ جارتىسىن پايدالاندى. برەيككە قول جەتكٸزبەگەن ك.گارسييا 1 عانا ەيسپەن شەكتەلدٸ.
قازاقستاندىق سپورتشىنىڭ كەلەسٸ قارسىلاسى اسا مىقتى. ول – كەزٸندە رەيتينگتە كٶش باستاعان 2018 جىلعى رولان گارروس, 2019 جىلعى ۋيمبلدون تۋرنيرلەرٸنٸڭ چەمپيونى, بيىل جاراقاتىنا بايلانىستى ونشا ٶنەر كٶرسەتە الماعان, قازٸرگٸ كەزدە رەيتينگتە 13-ورىندا تۇرعان رۋمىنييالىق سيمونا حالەپ. حالەپ تە ەكٸنشٸ كەزدەسۋٸندە سلوۆاكييالىق كريستينا كۋتسوۆانى 6:3, 6:1 ەسەبٸمەن تٸزە بٷكتٸردٸ.
