Qaraǵandy oblysynda sybailas jemqorlyqqa qarsy kúres agenttiginiń qyzmetkeri politseilerdi ábden áýrege saldy.
Júgensiz júrgizýshi tártip saqshylarynan qashyp, jol-jónekei bóten kólikterdi talqandap tastaǵan. Aqyrynda ustalǵanymen, narkologiialyq ortalyqta shý shyǵardy, dep habarlady Sputnik Qazaqstan agenttigi KTK arnasyna silteme jasap.
- Ne sebepti qarsylyq bildirip jatyrsyz? Siz zań qyzmetkerisiz. Otyryńyz, mende bastan-aiaq videosy bar, mine. Endi siz anaǵan úrleńiz.
- Úrlemeimin. Men zańdy bilemin, quqyǵymdy bilemin.
"Óz quqyǵyn jaqsy biletin" antikor qyzmetkeri tútikshege úrleýden bas tartyp, saraptamaǵa qanyn tapsyrǵan. Onyń qorytyndysy birden shyqpaidy. Degenmen tártip saqshylary onyń mas kúiinde kólik júrgizgenin aitady.
Politsiianyń aitýynsha olar bir kafedegi janjalǵa shaqyrtýmen kelgen. Sol jerden osy jigit sytylyp shyǵyp, kólikke mine sala tura qashypty. Jolai kólik apatyn jasap qarasyn batyrmaq bolǵanymen, aqyry ustalǵan.
Jemqorlyqa qarsy kúres agenttigi osy jaǵdaiǵa bailanysty qyzmettik tekseris bastaǵanyn habarlady.
"Jedel áreket etý kezinde 38 jastaǵy azamat ustaldy. Kólik júrgizýshisi meditsinalyq kýálandyrýdan bas tartyp, qan tapsyrǵan. Sol qannyń taldaý qorytyndysyna sáikes bul oqiǵa boiynsha naqty protsessýaldyq sheshim qabyldanady", - deidi Qaraǵandy oblysy PD baspasóz hatshysy Baqytjan Qudiiarov.
