«Úrker - 2020» ulttyq syilyǵyna ótinim qabyldaý merzimi uzartyldy, dep habarlaidy "Ult aqparat".
QR Aqparat jáne qoǵamdyq damý ministrligi «Media damytý qory» korporativtik qorymen birlesip 2 qazanda «Úrker - 2020» ulttyq syilyǵyna qatysý úshin ótinim qabyldaýdy bastady. Qatysýshylardyń ótinishteri boiynsha ótinim qabyldaý merzimi 2020 jylǵy 5 qarasha saǵat 18:00-ge deiin uzartyldy.
Esterińizge sala keteiik, ulttyq syilyq baspa, radio, internet jýrnalistika salasyndaǵy úzdik jetistikterdi baǵalaý úshin jáne jýrnalistikanyń bedelin arttyrýǵa, kásibi standarttardy bekitýge baǵyttalǵan.
Báigeniń qatysýshylary qataryna kontentti óndiretin jáne taratatyn respýblikalyq jáne óńirlik radiostansalar, baspa jáne internet-basylymdar enedi.
Konkýrstyq jumystarǵa qoiylatyn talaptar:
- jumystar 2019 jylǵy 1 qańtar men 1 qarasha aralyǵynda jariialanýy tiis;
- jumystar baspa basylymynda, internet-resýrsta jariialanýy nemese radioefirde shyǵýy tiis.
«Úrker - 2020» ulttyq syilyǵynyń jeńimpazdaryn marapattaý rásimi onlain formatta 13 qarashada ótedi.
«Úrker - 2020» 11 nominatsiia boiynsha marapattalady:
1. Jyldyń úzdik fotosýreti;
2. Jyldyń úzdik reportajy;
3. Jyldyń úzdik analitikalyq materialy;
4. Jyldyń úzdik jýrnalistik zertteýi;
5. Jyldyń úzdik suhbaty;
6. Jyldyń úzdik tanymdyq materialy;
7. Radiostantsiiadaǵy úzdik joba;
8. Jyldyń úzdik jańalyqtar portaly;
9. Jyldyń úzdik gazeti;
10. Jyldyń úzdik jýrnaly;
11. Sherhan Murtaza atyndaǵy nominatsiia.
Konkýrs qorytyndysy boiynsha ár nominatsiianyń úzdik ókiline jeńimpaz ataǵy berilip, «Úrker» estelik músinshesi jáne bir million teńge mólsherindegi aqshalai syilyq tabys etiledi. Ótinim berý sharttary ózgergen joq, tolyq aqparatpen urker-awards.kz saitynda tanysýǵa bolady.
