© Sputnik / Evgenii Filippov
Irbit qalasynyń meriiasy "Ýral" zaýyty burynǵydai jumys istei beretinin málimdedi. Al Qazaqstanda tek keibir memleketterge arnalǵan mototsiklder ǵana qurastyrylady, dep habarlaidy Sputnik Qazaqstan.
"Irbit mototsikl qurastyrý zaýyty Reseide qalyp, mototsiklderdi shyǵarý jumysyna jalǵastyra beredi. Buǵan deiin federaldyq jáne aimaqtyq deńgeidegi buqaralyq aqparat quraldarynda "kásiporyn Qazaqstanǵa kóshýi múmkin" degen aqparat keńinen tarap ketken. Búgin óndiris direktory Vladimir Kýrmachev ol málimetti joqqa shyǵardy deýge bolady. Onyń aitýynsha, Irbittegi zaýyt qalai istedi, týra solai mototsiklderdi shyǵara beredi. Al Qazaqstanda ekinshi, qosymsha qurastyrý jelisi ashylady", - delingen resmi habarlamada.
Búginde sanktsiia saldarynan Reseiden birqatar elderge taýar tasymaldaýǵa tyiym salynǵan. Qazaqstanda qurastyrylatyn mototsiklder sol memleketterge jiberiledi.
Irbit zaýytynyń shtaty kóp qysqarmaidy. Óndiris ornynda, shamamen, 120 adam jumys isteidi. Meriia taratqan aqparatqa sáikes, qazirgi kezde bes adamdy ǵana qysqartýǵa sheshim qabyldandy. Sebebi olarǵa suranys joq.
Al óndiris kóleminiń azaiýyna bailanysty bireýler josparly demalysqa shyqsa, endi bireýlerdiń jumys kestesi qysqartyldy.
Ujymnyń jartysy burynǵy rejimmen istep júr. Zaýytta mototsiklderdi qurastyrý sharalary da jalǵasyp jatyr. Ony toqtatpaidy.
Irbit ákimshiligi zaýytqa qatysty jaǵdaida jiti baqylaýda ustap otyrǵanyn jáne ony saqtap qalýǵa barlyq jaǵdai jasaitynyn málimdedi.
Aita keteri, kúni keshe Ural Motorcycles óndirisi Qazaqstanǵa kóshiriledi degen aqparat tarady.
Irbit qalasynda mototsikl qańqalary men korpýs elementterin jinai beredi. Biraq shtatty qysqartýǵa týra keledi.
Al Petropavl qalasynda jańa jumysshylardy jinaidy. Ural Motorcycles basqarýshy quramy da Qazaqstanǵa kóship keledi delingen.
