Reseilik Ural Motorcycles óz óndirisin Qazaqstanǵa aýystyrady. Bul týraly kompaniia basshysy Ilia Hait málimdedi, dep habarlaidy Sputnik Qazaqstan.
Onyń aitýynsha, búginde Reseige qarsy sanktsiialardyń saldarynan qajetti bólshekterdi jetkizý jaǵynan qiyndyqtar bastaldy. Oǵan qosa, importqa tyiym salynyp otyr. Osyǵan bailanysty Sverdlovsk oblysynyń Irbit qalasyndaǵy óndiristi Qazaqstanǵa aýystyrýǵa sheshim shyǵaryldy.
"Ýral" mototsiklderin Petropavl qalasynda jinaidy. Eki qalanyń arasy – 600 shaqyrym.
Irbit zaýytynyń jumysy toqtamaidy. Ol jerde mototsikl qańqalary men korpýs elementterin jinai beredi. Biraq shtatty qysqartýǵa týra keledi.
Al Petropavl qalasynda jańa jumysshylardy jinaidy. Ural Motorcycles basqarýshy quramy da Qazaqstanǵa kóship keledi.
Aita keteri, búginde "Ýral" mototsiklderiniń basym bóligi batys elderine jáne AQSh-ǵa eksporttalady.
