QR Densaýlyq saqtaý vitse-ministri Jandos Búrkitbaev ýniversitettik aýrýhanalar elimizdiń qai qalalarynda salynatyndyǵyn aitty, dep habarlaidy QazAqparat.
«Qasym-Jomart Kemeluly Toqaev densaýlyq saqtaý júiesiniń resýrstaryn, atap aitqanda, 20 aýrýhananyń qunyn memlekettik-jekeshelik áriptestik arqyly qaita qaraý kerektigin erekshe atap ótti. Densaýlyq saqtaý ministrligi Almaty, Shymkent, Qaraǵandy, Aqtóbe, Nur-Sultan qalalarynda 5 ýniversitettik arýhana salýdy josparlap otyr. Sonymen qatar Túrkistan, Petropavl jáne Kókshetaý qalalarynda úsh kópbeiindi aýrýhana salynady. «Deni saý ult» ulttyq saý jobasyn júzege asyrýdyń birinshi kezeńinde qurylys jumystaryn 2025 jylǵa deiin aiaqtaý josparlaǵan», - dedi vitse-ministr Ortalyq kommýnikatsiialar qyzmetindegi baspasóz máslihaty barysynda.
Onyń atap ótýinshe, bul nysandar memlekettik-jekeshelik seriktestik respýblikalyq jobalarynyń tizbesin ońtailandyrý úshin salynady.
«Bul rette qalǵan 12 joba kezeń-kezeńmen 2026 jyldan bastap paidalanýǵa beriledi», - dedi Jandos Búrkitbaev.
