Foto: QMA
Qarjy monitoringi agenttigi Shymkenttegi Áýezov atyndaǵy Ońtústik Qazaqstan ýniversitetinde biýdjet qarajatyn jymqyrý deregi boiynsha tergeýdi aiaqtady, dep habarlaidy Ult.kz.
Kúdiktiler qatarynda burynǵy birinshi prorektor, qarjy jáne ákimshilik departamentterdiń direktorlary, óndiristik-tehnikalyq bólimniń qoima meńgerýshisi, sondai-aq merdiger uiymdardyń basshylary bar.
Kúdiktiler taýarlar is júzinde jetkizilmegen nemese jasandy túrde qymbat baǵamen satyp alynǵan, jalǵan memlekettik satyp alý sharttaryn jasasqan.
Nátijesinde memleketke 321 mln teńge kóleminde zalal keltirildi. Tergeý barysynda kúdiktiler 264 mln teńgeni erikti túrde ótedi.
Sottyń sanktsiiasymen olardyń múlkine — 4 turǵyn úige, 1 avtokólikke jáne banktik shottardaǵy 40 mln teńge kólemindegi aqshalai qarajatqa tyiym salyndy.
Qylmystyq is sotqa joldandy.
