Foto: Baq.kz
Prezident keńesshisi, burynǵy Qarjy ministri Erulan Jamaýbaev únemdelgen qarjyny memlekettik qyzmetshilerge tyiym salýǵa orai pikir bildirdi, dep habarlaidy Kazinform HAA.
«Qarjy ministrliginiń jaýapty hatshysy, Qarjy ministri bolyp jumys istedim. Bul jerde anyqtap ketetin másele bar. Eger biýdjette syiaqyǵa qarajat kózdelgen bolsa, onda ony eshkim alyp qoimaidy. Syiaqy retinde beriledi. Degenmen, memlekettik organdar satyp alý protsesin júrgizgende únem bolady. Sol únemdi Qarjy ministrligi syiaqy retinde bermeý týraly sheshim qabyldap otyr. Biraq ol áli zańdastyrylmaǵan. Qazynalyq shot bar. Sodan bir-birine aýdarýǵa bóget qoimaqshy. Árine, ózimde bilemin, qanshama adam memlekettik qyzmette. Qarapaiym qyzmetkerlerge aýyr tiedi. Odan ózim de ótkenmin. Sondyqtan durys sheshim qabyldaý qajet», - dedi Erulan Jamaýbaev búgin ótetin Sheteldik investorlar keńesi otyrysy aiasynda BAQ ókilderiniń saýalyna orai.
Sonymen qatar ol úlken soma emes, qandai da bir qarajat qalsa, onda ony bólýge bolatyndyǵyn aitady.
«Bul zańǵa qaishy emes. Qarsymyn dep aita almaimyn. Biraq istelip jatqan áreketti túsinip otyrmyn. Sebebi, memleket qarajatyn únemdeý basty másele bolyp otyr. Durys sheshim qabyldaý qajet», - dedi ol.
Keshe Májilistiń jalpy otyrysynan keiin Qarjy ministri Mádi Takiev memlekettik qyzmetshilerge únemdelgen biýdjet qarjysy syiaqy túrinde berilmeitindigin aitqan bolatyn.
